اتىراۋ وبلىسى قاراباتان ۆاحتالىق ستانسىسىنداعى ورتتەن كەيىن باس پروكۋراتۋرا ەلدەگى بارلىق ۆاحتالىق كەنتتەردى تەكسەرەدى، دەپ حابارلايدى Qamshy.kz اقپارات اگەنتتىگى ق ر ەڭبەك جانە حالىقتى الەۋمەتتىك قورعاۋ ۆيسە-مينيسترى نۇرجان التايەۆقا سىلتەمە جاساپ.

"قاراباتانداعى ءورت وقيعاسىنان سوڭ، باس پروكۋراتۋراعا بارلىق ۆاحتالىق كەنتتەردى تەكسەرۋ تۋرالى حات جولدادىق. باس پروكۋراتۋرا تەكسەرۋدىڭ مىندەتتى تۇردە بولاتىنىن حابارلادى. ءقازىر حالىق كوپ جينالاتىن ويىن-ساۋىق ورتالىقتارى تەكسەرىلىپ جاتىر. سودان كەيىن ەلدەگى ۆاحتالىق كەنتتەردى تەكسەرۋ جۇمىستارى باستالادى"، - دەدى نۇرجان التايەۆ ەڭبەك جانە ونەركاسىپ قاۋىپسىزدىگىنە ارنالعان "KIOSH-2018" حالىقارالىق كونفەرەنسياسىندا جۋرناليستەرگە بەرگەن سۇحباتىندا.

ونىڭ ايتۋىنشا، ءورت وقيعاسىنا ايىپتى دەپ تانىلعان جۇمىس بەرۋشى جاۋاپكەرشىلىككە تارتىلادى. "قاراباتانداعى ءورتتىڭ شىعۋىنا جۇمىس بەرۋشى كىنالى. بىرىنشىدەن، مەرت بولعانداردىڭ وتباسىنا جانە جاراقات العاندارعا بارلىق قاجەتتى ماتەريالدىق كومەك كورسەتىلىپ جاتىر. ەكىنشىدەن، جۇمىس بەرۋشى ايىپتى بولعاندىقتان، سايكەس جاۋاپكەرشىلىككە تارتىلادى. ۇكىمەتتىك كوميسسيا رەتىندە ءبىز فاكتىلەر مەن ءورت سەبەبىن انىقتاپ بەردىك. جاۋاپكەرشىلىك جاعى قۇقىق قورعاۋ قورعاۋ ورگاندارىنىڭ جۇمىسى"، - دەپ جاۋاپ بەردى ول جۋرناليستەر سۇراعىنا.

سونىمەن بىرگە، ۆيسە-مينيستر قۇرىلىس سالاسىندا بارلىق تۇلعالارعا باقىلاۋ جۇرگىزۋدى ۇسىنعاندارىن جەتكىزدى. "قاراباتانداعى تەكسەرۋ جۇمىستارىنان كەيىن تۇتاس قۇرىلىس سالاسىنا باقىلاۋ جۇرگىزۋدى ۇسىنعان ەدىك. قۇقىقبۇزۋشىلىقتاردىڭ باسىم بولىگى قوسالقى مەردىگەرلەر تاراپىنان انىقتالادى. ماسەلەن، قانداي دا ءبىر قۇرىلىس كومپانياسى تولىق باقىلاۋدا بولادى دا، قوسالقى مەردىگەرلەرى ايلىقتى قولما-قول تولەپ، ەڭبەك قاتىناستارى تۋرالى شارت جاساسپايدى، ەڭبەك ەتۋشىلەردىڭ قۇقىعىن بۇزادى"، - دەپ ءتۇسىندىردى ن. التايەۆ. ەسكە سالا كەتسەك، ناۋرىز ايىندا اتىراۋ وبلىسى قىزىلقوعا اۋدانىندا سالىنىپ جاتقان قاراباتان «گازتۋربينالىق ەلەكتر ستانسىسىنىڭ» قۇرىلىس اۋماعىنداعى جاتاقحانادان ءورت شىعىپ، جەتى جۇمىسشى قازا تاپتى. ارنايى قۇرىلعان ۇكىمەتتىك كوميسسيانىڭ مالىمدەۋىنشە، جاتاقxانادا ورتالىقتاندىرىلعان جىلۋ جۇيەسى بولماعان.  سول سەبەپتى ءاربىر بولمەدە جىلىتۋ قۇرىلعىلارى قويىلعان. سالدارىنان ەلەكتر سىمدار  قاتتى قىزىپ كەتىپ، جاتاقحانا ورتكە ورانعان.