الماتىدا بيىلعى جىل «زەينەتكەرلەر جىلى» بولىپ جاريالانعان. «نۇر وتان» پارتياسى الماتى قالالىق فيليالى وسى اتاۋلى جىل اياسىندا جانە «ارداگەرلەردى ارداقتايىق» پارتيالىق جوباسى نەگىزىندە الەۋمەتتىك باستاما كوتەردى. ول – مەگاپوليس زەينەتكەرلەرىنە ارنالعان تەگىن كومپيۋتەرلىك ساۋاتتىلىق كۋرستارى. حالىقارالىق اقپاراتتىق تەحنولوگيالار ۋنيۆەرسيتەتى مەن الماتى مەملەكەتتىك پوليتەحنيكالىق كوللەدجى العاشقىلار بولىپ قولداعان بۇل باعدارلاما ەلباسى جولداۋىنداعى «سيفرلى قازاقستان» باعىتىمەن دە استاسىپ جاتىر. «نۇر وتان» پارتياسى قالالىق فيليالىنىڭ «ە-nsءىonery» باستامالى جوباسىنا بايلانىستى باسپا ءسوز ءماسليحاتى ءوتتى.
ەلباسى جولداۋىندا ايتىلعانداي، مەملەكەتتىڭ بۇگىنگى تاڭداعى دامۋ تالاپتارىنىڭ ءبىرى – قوعام كومپيۋتەر داۋىرىندەگى سوڭعى تەحنيكالاردى تولىق مەڭگەرۋى قاجەت. وسى باعىتتا «سيفرلى قازاقستان» باعدارلاماسى قولعا الىنىپ، قىزمەت كورسەتۋ جۇيەسى ەلەكتروندى فورماتقا كوشۋدە. ەلدىڭ ەڭ ۇلكەن مەگاپوليسى – الماتى بۇل باعىتتا دا كوش باسىندا بولىپ، «سيفرلى قازاقستان» باعدارلاماسىن جۇزەگە اسىرۋدا.
«نۇر وتان» پارتياسى الماتى قالالىق فيليالىنىڭ باستاماسىمەن جاسالعان «ە-nsءىonery» جوباسى دا وسى باعىتتاعى مەجەلى تۇردە زەينەتكەرلەرگە ارنالعان باعدارلاما. بۇگىندە فيليالدىڭ باستاماسىن حالىقارالىق اقپاراتتىق تەحنولوگيالار ۋنيۆەرسيتەتى مەن الماتى مەملەكەتتىك پوليتەحنيكالىق كوللەدجى العاشقىلار بولىپ قولداپ، جوبا وسى وقۋ ورىندارىندا جۇزەگە اسۋدا.
«ە-nsءىonery» باعدارلاماسى نەگىزىنەن 50 جاستان اسقان، ياعني الماتىلىق زەينەتكەرلەرگە ارنالعان. باعدارلامانىڭ ءبىر كۋرسى 40 ساعات، سەنبى، جەكسەنبى كۇندەرى وتكىزىلەدى. ءبىر جارىم ايدا كۋرستان ءوتىپ، كومپيۋتەرلىك باعدارلامالاردى مەڭگەرىپ شىققان تىڭداۋشىلارعا تيىسىنشە سەرتيفيكات بەرىلەدى.
باعدارلامانى پارتيا فيليالى قالالىق جۇمىسپەن قامتۋ جانە الەۋمەتتىك قامسىزداندىرۋ باسقارماسى ارقىلى جۇزەگە اسىرۋدا. ياعني باسقارمانىڭ اۋداندىق بولىمدەرىنىڭ بەرگەن ءتىزىمى بويىنشا باعدارلاما قاتىسۋشىلارى كۋرستاردان وتەدى. «ە-nsءىonery» باعدارلاماسى بويىنشا كومپيۋتەرلىك ساۋاتتىلىق ساباعىنا قاتىسقىسى كەلگەن زەينەتكەرلەر اۋداندىق الەۋمەتتىك بولىمدەرگە حابارلاسسا بولادى. تەگىن كۋرستار ەكى دەڭگەيلى. تىڭداۋشىلار ءبىرىنشى كەزەڭدە كومپيۋتەردىڭ بازالىق باعدارلامالارى بويىنشا ساۋات اشسا، ەكىنشى كەزەڭدە گرافيكالىق باعدارلامالار جاساپ، ۆەب-سايتتار اشۋ، ينتەرنەت ارقىلى ساۋدا جاساۋ سياقتى كۇردەلى باعدارلامالاردى مەڭگەرەدى.
قايىم-مۇنار تابەيەۆ،
«نۇر وتان» پارتياسى الماتى فيليالى ءتوراعاسىنىڭ ورىنباسارى:
– «ە-nsءىonery» باعدارلاماسى پارتيانىڭ «ارداگەرلەردى ارداقتايىق»، ت.ب. الەۋمەتتىك جوبالارىنىڭ اياسىندا جاسالىپ، قولداۋ تاۋىپ وتىر. جوبانى جۇزەگە اسىرۋعا ءىت ۋنيۆەرسيتەت پەن پوليتەحنيكالىق كوللەدجدەن باسقا دا الماتىداعى وقۋ ورىندارى اتسالىسادى دەپ ويلايمىن. ەڭ باستىسى، جوبا ءبىر رەتتىك نەمەسە ماۋسىمدىق ەمەس، ءبىز مەگاپوليستىڭ كۋرستان وتكىسى كەلگەن بارلىق زەينەتكەرلەرىن قامتيمىز دەپ ويلايمىن.
دامير شىنىبەكوۆ،
حالىقارالىق اقپاراتتىق تەحنولوگيالار ۋنيۆەرسيتەتىنىڭ رەكتورى، الماتى قالالىق ءماسليحات دەپۋتاتى:
– بۇگىنگى ءومىردى سيفرلىق تەحنولوگيا بۇقارالىق اۋقىمدا قامتىپ وتىر. زاماناۋي تەحنولوگيامەن تەڭ قادام باسۋ قاجەتتىلىگى ەلباسى جولداۋىندا، «سيفرلى قازاقستان» باعدارلاماسىندا ايتىلعان. وسى تۇرعىدان كەلگەندە، «نۇر وتان» قالالىق فيليالىنىڭ باستاماسىن قولداۋدى ءجون دەپ تاپتىق. باعدارلاما مەجەلى تۇردە قوعامنىڭ ەگدە بۋىنىنا، ياعني زەينەتكەرلەرگە ارنالعان. بولجام بويىنشا 2025 جىلعا ەلدىڭ اعا بۋىنى، زەينەتكەرلەر حالىقتىڭ 11 پايىزىن قۇرايدى ەكەن. مىنە، وسى بۋىن زاماناۋي تەحنولوگيالىق ساۋاتتى بولۋى كەرەك. ەلباسى تاپسىرماسىنا وراي قازاقستان الداعى جىلداردا الەمنىڭ تەحنولوگيالىق دامىعان، الدىڭعى قاتارلى مەملەكەتتەرىنىڭ ساناتىندا بولۋى كەرەك. ءبىز سول قاتارعا ۇلكەنىمىز دە، كىشىمىز دە سيفرلى تەحنولوگيانى مەڭگەرگەن قوعام بولىپ جەتۋىمىز كەرەك.
قازاقستاننىڭ ەكونوميكالىق، تەحنولوگيالىق درايۆەرى – الماتى «سيفرلى قازاقستان» باعدارلاماسىن جۇزەگە اسىرۋدا. بۇل باعىتتاعى باستاماشىلاردىڭ ءبىرى –«نۇر وتان» پارتياسى قالالىق فيليالى.
