ن.تىلەندييەۆ مەموريالدى مۇراجايىندا ادامگەرشىلىك، مەيىرىم، ىزگىلىك، قامقورلىق ءتارىزدى اسىل قاسيەتتەردى جاس ۇرپاقتىڭ بويىنا دارىتۋ ماقساتىندا «جۇرەكتەن جۇرەككە» اكسياسى ۇيىمداستىرىلدى. مۇمكىندىگى شەكتەۋلى ازاماتتارعا قولداۋ جاساۋ باعىتىنداعى شاراپاتى مول شارا ولارعا ماتەريالدىق كومەك كورسەتۋگە ەرىكتىلەر مەن مەسەناتتار، مەملەكەتتىك ەمەس ۇيىمداردى تارتا وتىرىپ، قوعامنىڭ نازارىن اۋدارتۋ مۇراتىن كوزدەيدى.
قازىرگى تاڭدا الماتى قالاسى اكىمدىگىنىڭ قولداۋىمەن ءبىرقاتار الەۋمەتتىك جوبالار قولعا الىنىپ جاتقاندىعى كوڭىلگە قۋانىش ۇيالاتادى. مىسالى، الماتى مۇراجايىنىڭ باستاماسىمەن 2017 جىلى ۇلكەن الەۋمەتتىك جوبا قولعا الىنىپ، جۇزەگە اسىرىلىپ جاتىر. قازىرگى تاڭدا قالامىزداعى مۇراجايلاردا جوعارى دەڭگەيدە ىسكە اسىرىلىپ جاتقان «قولجەتىمدى مۋزەي» جوباسى جۇرتشىلىقتىڭ كوڭىلىنەن شىعىپ، قوعامدا قىزۋ قولداۋ تابۋدا.
ءاربىر ازامات قوعامدا تەڭ قۇقىلى ءومىر سۇرۋگە لايىقتى ەكەندىگى تۋرالى قازاقستان رەسپۋبليكاسىنىڭ اتا زاڭىندا كورسەتىلگەن. ادام ومىردە ەڭ الدىمەن اقىل-پاراساتىنا قاراي باعالانۋى قاجەت. كەز-كەلگەن ادام قانداي جاعدايدى باسىنان وتكەرسە دە، قوعامدا، جالپى، كەز-كەلگەن ورتادا ءوزىن ەمىن-ەركىن ۇستاپ، وز-وزىنەن ەش قىمسىنباۋى كەرەك. سوندىقتان دا قوعامدىق ورىنداردا، تەاترلاردا، مەيرامحانالاردا، ويىن-ساۋىق ورىندارىندا ەركىن سەزىنۋلەرىنە مۇمكىندىك تۋعىزۋىمىز قاجەت.
ن.تىلەندييەۆتىڭ مەموريالدىق مۇراجايىندا كەلگەن قوناقتارعا بارلىق جاعداي جاسالعان. بۇگىنگى تاڭدا اتالعان مۇراجاي قالامىزداعى ءبىرقاتار الەۋمەتتىك ۇيلەرمەن، بالالار ۇيىمەن تىعىز بايلانىستا جۇمىس ىستەيدى. مۇمكىندىگى شەكتەۋلى ازاماتتارعا قولداۋ كورسەتىپ، ولاردىڭ جان جاراسىن جازۋعا تىرىسۋ – ازاماتتىق بورىشىمىز.
«جۇرەكتەن جۇرەككە» اتتى قايىرىمدىلىق شاراسى اياسىندا مۇمكىندىگى شەكتەۋلى جاندار ن.تىلەندييەۆ مەموريالدى مۇراجايىن ارالاپ، ارنايى كونسەرتتىك باعدارلامانى تاماشالاي الادى. ولارعا قامقورلىق جاساۋ ماقساتىندا ءار اي سايىن وتكىزىلەتىن بۇل ىزگى شارانىڭ اياسى كەڭەيىپ، بولاشاقتا ەرىكتىلەر، مەسەناتتار مەن كاسىپكەرلەر تاراپىنان قىزۋ قولداۋ تابادى دەگەن ۇمىتتەمىز. «جۇمىلا كوتەرگەن جۇك جەڭىل» دەگەن دانا حالقىمىز. قولىمىزدان كەلگەنشە قامقورلىق قاناتىنا الىپ، جانىمىزداعىلارعا جاردەمدەسۋ، يگى ءىسىمىزبەن، مەيىرىمىمىزبەن جۇرەكتەردى جىلىتۋ – ءبىزدىڭ ازاماتتىق پارىزىمىز.
شارانىڭ ماقساتى – وبلىسىمىزعا قاراستى شالعاي اۋدان، قالالارداعى مۇمكىندىگى شەكتەۋلى جاستاردىڭ شىعارماشىلىق دەڭگەيىن دامىتۋعا بارىنشا قولداۋ كورسەتۋ، ولاردىڭ ەرەكشە قابىلەتتەرىن كوپشىلىككە تانىستىرۋ. ۇمىتكەرلەر 5 كەزەڭ بويىنشا ءوزارا سىنعا ءتۇستى. ەڭ اۋەلى سپورتتىق شارادا بەلسەندىلىكتەرىمەن كوزگە تۇسسە، كەيىنگى بولىمدەردە قولونەر بۇيىمدارىن جاساۋ، سۋرەت سالۋ، بي بيلەپ، ءان شىرقاۋ سىندى شىعارماشىلىق قىرلارىن تانىتتى.
