جەتىساي قالاسىنداعى كوپقاباتتى تۇرعىن ۇيلەردى ورتالىقتاندىرىلعان كارىز جۇيەسىنە قوسۋ جۇمىستارى جالعاسۋدا. بۇدان بولەك ءبىرقاتار كوپقاباتتى تۇرعىن ءۇي كۇردەلى جوندەۋدەن وتكىزىلۋدە. سونداي-اق، قالانى اۋىز جانە اعىن سۋمەن قامتۋ ماسەلەلەرىندە تۇيتكىلدەر تۋىنداماۋى ءتيىس. قالا ىشىندەگى سۋ قاشىرتقىلارىندا تازالىق ساقتاۋ ءۇشىن توقتاۋسىز اعىن سۋ اعىپ تۇرۋى قاجەت. بۇگىن وسى جانە وزگەدە وزەكتى ماسەلەلەر ماقتارال اۋدانىنىڭ اكىمى جامانتاي بەيسەنبايەۆتىڭ قاتىسۋىمەن وتكەن اپپارات وتىرىسىندا اڭگىمەگە ارقاۋ بولدى.

جالپى ماقتارال اۋدانى بويىنشا 265 كوپقاباتتى تۇرعىن ءۇي بار. سونىڭ ىشىندە 214 تۇرعىن ءۇي كوندومينيۋم رەتىندە تىركەۋگە جاتادى.  اتالعان تۇرعىن ۇيلەردىڭ 109-ى جەتىساي قالاسىندا، 14ء-ى  اتاكەنتتە،  14ء-ى  مىرزاكەنتتە ورنالاسقان.  2014 جىلى جەتىساي قالاسىنداعى 3، 2017 جىلى مىرزاكەنتتەگى 9، اتاكەنت كەنتىندە 2، اسىقاتا كەنتىندە 7 كوپقاباتتى تۇرعىن ءۇي كۇردەلى جوندەۋدەن وتكىزىلگەن.

«ەندىگى ماسەلە – تۇرعىن ۇيلەردى ورتالىقتاندىرىلعان كارىز جۇيەسىنە قوسۋ. بۇل وتە اۋقىمدى جۇمىس. سوندىقتان ەڭ الدىمەن كوپقاباتتى تۇرعىن ۇيلەرگە  ۆاكۋمدى سۋ سورعىش قوندىرعالارى ورناتىلۋى قاجەت. سوندا عانا كارىز جۇيەلەرىنە قوسىلۋ جۇمىستارى ناتيجەلى بولماق»، -  دەدى جامانتاي قاناي ۇلى.

جيىن بارىسىندا جەتىساي قالاسىن 24 ساعات اۋىز سۋمەن قامتۋ ماسەلەسى دە تالقىلاندى. ول ءۇشىن 9 سكۆاجينانىڭ جۇمىسىن كۇندەلىكتى قاداعالاۋعا الىپ، توزىعى جەتكەن سۋ جۇيەلەرىن جاڭالاۋ قاراستىرىلۋدا. وسى جايتتارعا توقتالعان اۋدان اكىمى قالاداعى سانتيتارلىق تازالىققا دا اسا دەن قويۋ قاجەتتىگىن ەسكەرتتى. بۇل رەتتە ءار سەنبى سايىن وتكىزىلىپ كەلە جاتقان سەنبىلىكتەردىڭ ناتيجەلىگىن قاداعالاۋدى ءتيىستى سالا باسشىلارىنا تاپسىردى.