پاۆلودار وبلىسى مادەنيەت، ارحيۆتەر جانە قۇجاتتاما باسقارماسىنىڭ باسشىسى ارداق تاتىمبەك ۇلىنىڭ، ونىڭ جۇبايى مەن بالاسىنىڭ قايتىس بولۋىنا بايلانىستى ق ر مادەنيەت جانە سپورت ءمينيسترى ارىستانبەك مۇحامەدي ۇلى تۋعان-تۋىستارى مەن جاقىندارىنا قايعىلارىنا ورتاقتاسىپ، كوڭىل ايتۋ جەدەلحاتىن جولدادى، دەپ حابارلايدى Qamshy.kz اقپارات اگەنتتىگى ق ر مادەنيەت جانە سپورت مينيسترلىگىنىڭ باسپا ءسوز قىزمەتىنە سىلتەمە جاساپ.

جەدەلحات!

پاۆلودار وبلىسى مادەنيەت، ارحيۆتەر جانە قۇجاتتاما باسقارماسىنىڭ باسشىسى ارداق تاتىمبەك ۇلىنىڭ، ونىڭ جۇبايى مەن بالاسىنىڭ قايتىس بولۋىنا بايلانىستى تۋعان-تۋىستارى مەن جاقىندارىنا قايعىلارىنا ورتاقتاسىپ، كوڭىل ايتامىن.

ارداق رايىمبەكوۆ ەڭبەك جولىن پاۆلودار وبلىسى جەلەزين اۋدانى زاحاروۆكا جالپى ورتا ءبىلىم بەرۋ مەكتەبىندە قازاق ءتىلى جانە ادەبيەت ءپانىنىڭ ءمۇعالىمى بولىپ باستاپ، سول اۋداننىڭ جانە كاچيرى اۋدانى اكىمىنىڭ اپپاراتىندا قىزمەت ەتتى. اقسۋ قالاسىنىڭ، پاۆلودار قالاسىنىڭ مادەنيەت جانە تىلدەردى دامىتۋ بولىمدەرىن باسقاردى. پاۆلودار وبلىسى اكىمىنىڭ اپپاراتى باسشىسىنىڭ ورىنباسارى قىزمەتىن اتقاردى.

2017 جىلدىڭ قىركۇيەك ايىنان باستاپ پاۆلودار وبلىسى مادەنيەت، ارحيۆتەر جانە قۇجاتتاما باسقارماسىنىڭ باسشىسى بولىپ قىزمەت اتقاردى. مادەنيەت سالاسىندا ەڭبەك ەتكەن ارداق تاتىمبەك ۇلى سونداي تۇلعالاردىڭ ءبىرى بولاتىن.

ارداق مادەنيەت پەن ونەردى دامىتۋ جولىندا بار كۇش-قايراتىن سارپ ەتىپ، حالىقتىڭ العىسىن الىپ جۇرگەن اسقارالى ازاماتتاردىڭ ءبىرى ەدى. تاربيەسى مەن باي تاجىريبەسى ونەگەلى ءومىر جولىنان انىق كورىندى. ول ءومىرىنىڭ سوڭعى مينۋتىنا دەيىن قازاق ونەرى مەن مادەنيەتىنىڭ باعىت-باعدارىنا جاناشىر بولىپ ءوتتى.

ارداق تاتىمبەك ۇلى جارقىن بەينەسى بارشا قازاقستاندىقتاردىڭ جۇرەگىندە ءاردايىم ساقتالادى. 

قازاقستان رەسپۋبليكاسى

مادەنيەت جانە سپورت ءمينيسترى                           ا. مۇحامەدي ۇلى