الماتىدا قالا كۇنى كەڭ كولەمدە اتالىپ وتپەك. ارۋ قالانىڭ 1002 جىلدىعىنا وراي 100-دەن استام ءىس-شارا وتەدى. ونىڭ 50-دەن استامى – مادەني شارالار. ءتۇرلى فەستيۆال، كورمە كونسەرتتەرگە تەك وتاندىق قانا ەمەس، شەتەلدىك ونەر مايتالماندارى مەن سۋرەتشىلەر دە ارنايى كەلمەك. سونىڭ ىشىندە، «اRتBAT fest» فەستيۆالى 24 تامىزدا باستالادى.

الماتىدا حالىقارالىق «ARTBAT fest» ونەر فەستيۆالى توعىزىنشى رەت شىمىلدىعىن تۇرمەك. پابليك-ارت جوباسى حالىقارالىق ەۋروپالىق باعدارلاماعا ەندى. وعان فرانسيا ساۋلەتشىسى سيمون جاكمين جانە سلوۆەنيالىق سۋرەتشى مارتين بريسەل باراگا جەتەكشىلىك ەتپەك. بيىلعى فەستيۆال تاقىرىبى – «سۋ اعىنى». كوپتەگەن ينستاللياسيا تىرشىلىك نارىمەن بايلانىستى جاسالادى. ءوز جۇمىستارىن وتاندىق سۋرەتشىلەر عانا ەمەس، سلوۆەنيا، يتاليا، فرانسيا، گەرمانيا، ۇلىبريتانيا جانە جاپونيادان كەلگەن سۋرەتشىلەر دە ۇسىنادى.

«ARTBAT Fest» تەك پابليك-ارت قانا ەمەس، ونىڭ اياسىندا كورمە، وقىتۋ الاڭدارى دا جۇمىس ىستەيدى. مامىر ايىنان باستاپ كوركەم ىم مەكتەبى قىزمەت ەتەدى. سونىمەن قاتار، رەسەي، ءۇندىستان، ءازىربايجان، شۆەيساريادان كەلگەن سۋرەتشىلەردىӊ كورمەسىن وتكىزۋ جوسپارلانىپ وتىر. قازىرگى كەزدە «زاماناۋي الماتىلىقتىӊ پورترەتى» اتتى كوركەمدىك زەرتتەۋ جۇرگىزىلۋدە. ونىڭ ناتيجەسى فەستيۆالدە كورسەتىلەدى. سونداي-اق بەلارۋس پەن ارمەنيا سۋرەتشىلەرى كەلىپ، فەستيۆالگە ءوز جۇمىستارىن ۇسىنادى»، – دەدى «اRTBAT fest» فەستيۆالىنىڭ ديرەكتورى ولگا ۆەسەلوۆا.

الەمنىڭ تۇكپىر-تۇكپىرىنەن كەلگەن ونەر يەلەرىنىڭ قاتىسۋىمەن سيمپوزيۋم وتكىزىلمەك. ءداستۇرلى شارا 2010 جىلدان بەرى تۇراقتى تۇردە ۇيىمداستىرىلىپ كەلەدى. وسى ۋاقىت ارالىعىندا وعان 20-دان اسا مەملەكەتتەن كەلگەن سۋرەتشى جانە كۋراتورلار قاتىسىپ، 300-دەن استام زاماناۋي تۋىندى ۇسىنعان.

قالا تۇرعىندارىن سوزگە تارتىپ كورگەنىمىزدە، كوپشىلىگى قالا كۇنىن اسىعا كۇتىپ جۇرگەندەرىن ايتتى. ماسەلەن، مىنا تۇرعىن: «كونسەرتەرىن، جارمەڭكەلەرىن كورەمىز. جىلداعىداي بولادى دەپ ويلايمىن. قالامىز كوركەيە بەرسىن»، – دەسە، ال كەلەسى ءبىر تۇرعىن: «قالا كۇنىن كۇتىپ ءجۇرمىز. قىزىقتى شوۋلار، مىقتى وتشاشۋلار بولادى دەپ ۇمىتتەنەمىز»، – دەدى كوتەرىڭكى كوڭىل كۇيمەن.

قالا كۇنىندە 100-دەن اسا ءىس-شارا وتكىزىلمەك. ونىڭ ىشىندە، «كوكتوبە وپەرا»، «وركەسترلەر شەرۋى» ياعني، اشىق اسپان استىنداعى وركەستر مۋزىكاسىنىڭ فەستيۆالى قالىڭ جۇرتتىڭ كوڭىلىن كوتەرمەك. بۇدان وزگە، وتباسى فەستيۆالى جانە «Almaty garden show» باۋ-باقشا حالىقارالىق فەستيۆالى ۇيىمداستىرىلادى.