الماتى اۆتوبۋستارىنا كوشەدەگى جاعدايدى ءتۇسىرىپ الۋ ءۇشىن ۆيدەوكامەرالار ورناتىلادى. بۇل تۋرالى بريفينگتە قالالىق ىشكى ىستەر دەپارتامەنتىنىڭ وكىلى ايتتى.

ءبىرىنشى كەزەڭدە كامەرا 30-دان 50-گە دەيىن اۆتوبۋستاردى ءتۇسىرىپ الماق.

الماتى ءىىد اكىمشىلىك پوليسياسى باسقارماسىنىڭ باسشىسى جاندوس مۇرتالييەۆتىڭ سوزىنشە، باستاپقى كەزەڭ 2018 جىلدىڭ سوڭىنا دەيىن جۇزەگە اسادى.

«ازىرگە مارشرۋتتاردىڭ ناقتى نومىرلەرى انىقتالعان جوق، بولاشاقتا بەلگىلەنگەن جولمەن جۇرەتىن اۆتوبۋس باعىتتارى نازارعا الىنباق. ولار باسقا جۇرگىزۋشىلەردىڭ زاڭ بۇزۋشىلىقتارىن ءتۇسىرىپ الىپ قانا قويماي، اۆتوبۋستاردى دا تۇسىرەدى»، – دەيدى مۇرتالييەۆ.

ايتا كەتەيىك، الماتىدا تاكسي جۇرگىزۋشىلەرى مەن باسقا دا ترانسپورت جۇرگىزۋشىلەرىنە تۇندە قوعامدىق كولىك جولاعىمەن جۇرۋگە رۇقسات بەرىلۋى مۇمكىن.