قازاقستاندىق ارتىستەر الماتىدا حالىققا قىزمەت كوسەتۋ ورتالىعىندا مەملەكەتتىك قىزمەت كورسەتتى.
«جۇلدىزداردىڭ حقكو-داعى ءبىر كۇنى» اكسياسى حالىقتىڭ سيفرلىق ساۋاتتىلىعىن ارتتىرۋ ماقساتىندا ۇيىمداستىرىلعان. ءانشى ايجان نۇرماعانبەتوۆا مەن «جىگىتتەر» توبىنىڭ مۇشەسى مىرزاحان ماحان مەدەۋ اۋداندىق حقكو-دا ەلەكتروندى كەزەككە تۇرۋ تالونىن تاراتىپ، كەلۋشىلەر تاڭدانىسىن تۋدىردى. سونداي-اق ولار حالىققا ەلەكتروندى ۇكىمەت سايتى ارقىلى قۇجاتتاردى راسىمدەۋدى ۇيرەتتى.
«مەنىڭ ويىمشا، حالىققا قىزمەت كورسەتۋ ورتالىعىنىڭ قىزمەتكەرى بولۋ – ۇلكەن ەڭبەك. بۇل ءۇشىن بويىڭنان بايسالدىلىق، سابىرلىلىق قاسيەتتەرى تابىلۋى كەرەك. جىلى ءجۇز تانىتىپ، كۇلىمسىرەي ءبىلۋ قاجەت. ءبىر مەنەدجەردىڭ الدىنان كۇنىنە ونداعان ادام وتەدى. قازىرگى كەزدە حقكو بارۋدىڭ اسا قاجەتتىلىگى جوق، كوپ ادام اسىرەسە، مەنىڭ قاتارلاستارىم عالامتور ارقىلى ءوز بەتىمەن قۇجات دايىنداۋدى قيىنسىنادى. بۇگىن ءبىز مۇنىڭ ەشقانداي قيىندىعى جوق ەكەنىن تۇسىندىردىك دەپ ويلايمىز. ۇيدە وتىرىپ-اق، مەملەكەتتىك قىزمەتتى پايدالانۋعا ابدەن بولادى»، – دەدى ايجان نۇرماعامبەتوۆا.
قازاقستاندىق شوۋ-بيزنەس وكىلدەرى قاسكەلەڭ اۋداندىق حقكو قىزمەتكەرلەرىنە دە كومەكتەستى. انشى-سازگەر مارات وماروۆ تىركەۋ ورنىندا تۇرىپ تالون تاراتسا، «الاش ۇلى» توبى مەنەدجەر رەتىندە سىنالىپ، كليەنتتەرگە كەڭەس بەردى. بۇل ورتالىق قاراساي اۋدانىنىڭ 19 اۋىلدىق وركۋگىنەن كۇن سايىن 2-3 مىڭ ازاماتقا قىزمەت كورسەتەدى.
«ازاماتتارعا ارنالعان ۇكىمەت» مەملەكەتتىك كورپوراسياسى» كە اق الماتى بويىنشا فيليالى سيفرلاندىرۋدى دامىتۋ اياسىندا ءاربىر قازاقستاندىق ازامات عالامتور قىزمەتىن پادالانۋدى ءبىلۋى تيىستىگىن ايتتى.
«2020 جىلعا قاراي «سيفرلى قازاقستان» مەملەكەتتىك جوباسى اياسىندا حالىقتىڭ 80 پايىزى كومپيۋتەردى يگەرىپ، مەملەكەتتىك قىزمەتتەردى ونلاين رەجيمدە پايدالانا الۋى كەرەك. سيفرلىق ساۋاتتىلىق – قازىرگى زاماننىڭ تالابى. ادامدار ءموبيلدى بولۋعا ۇمتىلىپ، قولداعى تەلەفوندارىمەن قۇجاتتار مەن انىقتامالاردى الۋدى ۇيرەنگەنى دۇرىس. سيفرلىق قولتاڭبانىڭ ورنىنا، ءبىر رەتتىك سمس-حابارلامانى قولدانۋعا بولادى. دامىعان ەلدەر قاتارىنا كىرۋ ءۇشىن جاڭا تەحنولوگيالاردى ءارقايسىسىمىز مەڭگەرۋىمىز كەرەك»،– دەدى «ازاماتتارعا ارنالعان ۇكىمەت» مەملەكەتتىك كورپوراسياسى» كە اق الماتى بويىنشا فيليالى PR-مەنەدجەرى جاڭىل اپەتوۆا.
اتالعان اكسيا قازاقستاننىڭ بارلىق ايماقتارىندا ءوتتى. حالىققا قىزمەت كورسەتۋ ورتالىقتارىندا ءقىدىرالى بولمانوۆ، تەلەجۋرناليست عاني جاپيشيەۆ، قۇرماش ماحان مەن شاحاريزات سەيداحمەتوۆ سىندى انشىلەر ءبىر كۇندىك قىزمەت كورسەتتى.
