الماتى جۇمىس بەرۋشىلەرى مەن كاسىپكەرلەرى تەك قانا شىلدە ايىندا مىندەتتى الەۋمەتتىك مەديسينالىق ساقتاندىرۋ قورىنا - 2 ملرد تەڭگە، ءبىر جىلدا 19 ملرد تەڭگە كولەمىندە اقشا اۋداردى. 

ءبىر عانا شىلدە ايىندا الماتىلىق جۇمىس بەرۋشىلەر مەن جەكە كاسىپكەرلەر مىندەتتى مەديسينالىق الەۋمەتتىك ساقتاندىرۋ قورىنا 2 ملرد تەڭگەگە جۋىق سوما اۋداردى. 

الماتى اۋدارىمدار سوماسى بويىنشا (23%) قازاقستاندا كوش باستاپ تۇر. استانا ەكىنشى ورىنعا (12،5%) تابان تىرەدى. ءۇشىنشى ورىندا - قاراعاندى وبلىسى (8،2%).

ايتا كەتۋ كەرەك، 2017 جىلدىڭ 1 شىلدەسىنەن 2018 جىلدىڭ 1 شىلدەسىنە دەيىن الماتىلىق جۇمىس بەرۋشىلەردىڭ سالعان سوماسى 17 ملرد تەڭگە بولعان ەدى. وسىلايشا 2018 جىلدىڭ شىلدەسىندە 2 ملرد تەڭگە قوسىمشا ءتۇسىم ءتۇستى. 

ال قازاقستان بويىنشا جينالعان تولەم كولەمى 88،9 ملرد تەڭگەگە جەتتى. قورعا تۇسكەن قارجىنىڭ بارلىعى ق ر ۇلتتىق بانكىندە ساقتاۋلى. 
ءمامس قورى مەن ق ر ۇلتتىق بانك اراسىندا سەنىمدى باسقارۋ تۋرالى كەلىسىمگە قول قويىلعان. 

ال ءمامس اياسىندا مەديسينالىق كومەك كورسەتۋ 2020 جىلدان باستالادى.