الماتىداعى ۇلتتىق كىتاپحانادا ق ر كونستيتۋسياسى كۇنىنە ارنالعان دوڭگەلەك ۇستەل ءوتتى. وندا اتا زاڭنىڭ قازاقستاندىقتار ومىرىندە الاتىن ءرولى تۋرالى تالقىلاندى. 

اتا زاڭنىڭ ءتۇپ نەگىزى تاۋكە حاننىڭ جەتى جارعىسىنان باستاۋ الادى. كەڭەس وداعى تۇسىنداعى كونستيتۋسيادان كەيىن تاۋەلسىزدىك جىلدارىندا قازاقستاندا 1993 جىلى جانە 1995 جىلى جالپىحالىقتىق رەفەرەندۋمدا قابىلدانعان ەكى كونستيتۋسيا بولعانى ءمالىم. 

ق ر حالىق اسسامبلەياسىنان سايلانعان پارلامەنت ءماجىلىسىنىڭ دەپۋتاتى احمەت مۋرادوۆ كونستيتۋسيا قازاقستاندىقتاردى عانا ەمەس، ازاماتتاردىڭ ءوزى دە اتا زاڭ تالاپتارىن ورىنداي وتىرىپ، ونى قورعاۋعا تيىستىگىن ايتتى. 

«پارلامەنتتەن وتەتىن كەز كەلگەن زاڭ كونستيتۋسياعا قايشى كەلمەۋى كەرەك. ول ابدەن سايكەستىك ساراپتاماسىنان وتپەيىنشە قابىلدانبايدى. رەزونانستى زاڭداردى ق ر كونستيتۋسيالىق كەڭەسى تەكسەرەدى. ونىڭ قۇرامىندا تاجىريبەلى زاڭگەرلەر مەن بىلىكتى ساراپشىلار بار. زاڭنىڭ دۇرىس-بۇرىستىعى ماجىلىستە تالقىعا تۇسەدى. ەگەر جاڭا زاڭ پرەزيدەنت پەن پارلامەنت شەشىمىمەن بەكىتىلسە، كونستيتۋسيا تالاپتارىنا ساي كەلەدى دەگەن ءسوز. سەبەبى تالدانىپ، تارازىدان وتكەن. ونى ورىنداۋ - مىندەت. بۇل تۇرعىدا كەيبىر تاپسىرمالار ق ر حالىق اسسامبلەياسىنىڭ مىندەتىنە جۇكتەلگەن. ءبىز زاڭعا قۇلاق اساتىن قوعامدى تاربيەلەسەك، ەلىمىزدىڭ باستى ماقساتى - حالىق بىرلىگىن ساقتاي الامىز»،-دەدى احمەت مۋرادوۆ. 

د.ا.قونايەۆ اتىنداعى ەۋرازيا زاڭ اكادەمياسىنىڭ كافەدرا مەڭگەرۋشىسى بولىسبەك باتتالحانوۆ كونستيتۋسياعا ەنگىزىلەتىن سوڭعى وزگەرىستەر تۋرالى پىكىر ءبىلدىردى. 

«قازىرگى كونستيتۋسيامىز بىرنەشە وزگەرىستەردەن ءوتتى. 2017 جىلدىڭ اقپانىندا ۇلكەن وزگەرىستەر بولدى. ونداعى جاڭارتۋلارعا كەلەر بولساق، تەك كەيبىر باپتار عانا وزگەرىسكە ۇشىرايدى. سەبەبى ءومىر ءبىر ورىندا تۇرمايدى. دۇنيەجۇزىندەگى وزگە دە مەملەكەتتەرمەن قارىم-قاتىناس جاساعاندىقتان، ولارعا بايلانىستى جاڭالىقتار ەنگىزىلەدى. الايدا اتا زاڭنىڭ نەگىزگى باپتارىنا بۇل اسەر ەتپەيدى»، - دەدى عالىم.