الماتى مەتروسى قازاقستانداعى تۇڭعىش، ورتا ازياداعى ەكىنشى جانە تمدداعى ون التىنشى مەترو.
بۇل تۋرالى الماتى قالاسى وڭىرلىك كوممۋنيكاسيالار قىزمەتىنىڭ الاڭىندا وتكەن بريفينگتە الماتىمەتروقۇرىلىس» اق وندىرىستىك تەحنيكالىق دەپارتامەنتىنىڭ ديرەكتورى اريسوۆا جاميليا مۇرات قىزى ايتتى.
ونىڭ ايتۋىنشا، الماتى مەتروسىنىڭ ءبىرىنشى كەزەگىنىڭ العاشقى تورابى 2011 جىلدىڭ 1 جەلتوقسانىندا پايدالانۋعا بەرىلدى. ۇزىندىعى 8،56 كيلومەترلىك تۇڭعىش مەترو جولى 7 بەكەتتى قامتىدى: «رايىمبەك باتىر»، «جىبەك جولى»، «المالى»، «اباي»،«بايقوڭىر»، «م. اۋەزوۆ اتىنداعى دراما تەاترى»، «الاتاۋ».
«الماتىمەتروقۇرىلىس» اق الماتى مەتروسىنىڭ ءبىرىنشى ىسكە قوسۋ كەشەنى بويىنشا ەكىنشى كەزەكتەگى العاشقى جەلىنى ءتامامدادى.
ءبىرىنشى ىسكە قوسۋ كەشەنىنە قاراستى «الاتاۋ»، «سايران»، «ماسكەۋ» بەكەتتەرىنىڭ توننەلدەرىن ۇڭعىلاۋ، «سايران» بەكەتىنەن «ماسكەۋ» بەكەتىنە دەيىن №121،122 تومەنگى اينالمالى جەلدەتپە وقپاندارىن قازۋ جۇمىستارى جاسالدى.
ءبىرىنشى ىسكە قوسۋ بولىگىنىڭ ۇزىندىعى 2،73 كم، پايدالانۋعا بەرىلەتىنى 2،5 كم. ورتاشا تەرەڭدىگى – 14 مەتر شاماسىندا.
الماتى مەتروپوليتەنىنىڭ ءبىرىنشى بولىگىنىڭ ەكىنشى كەزەگىندەگى العاشقى جەلى 2015 جىلدىڭ 18 ساۋىرىندە پايدالانۋعا بەرىلدى. «الماتىمەتروقۇرىلىس» اكسيونەرلىك قوعامى قازىرگى كەزدە ەكىنشى بولىك بويىنشا ەكىنشى كەزەكتىڭ العاشقى جەلىسىنىڭ قۇرىلىسىن جۇرگىزۋدە. ەكىنشى كەزەكتەگى ەكىنشى ىسكە قوسۋ كەشەنى اباي داڭعىلىنىڭ استىمەن وتەتىن ەكى بەكەتتى جەلىنى قامتيدى. جۇمىس بارىسىندا جەرگىلىكتى جەر جاعدايى، ينجەنەرلىك گەولوگيالىق ەرەكشەلىكتەرى جانە قالا قۇرىلىسى فاكتورلارى ەسكەرىلدى. كۇرەجولدىڭ ەڭ جوعارعى باعىتى – 34 ‰، ەڭ كىشىسى – 3 ‰–دى قۇرادى. «سارىارقا» مەن «دوستىق» اتتى جەلىلەر شىعىستان باتىسقا قاراي سوزىلادى.التىنسارين داڭعىلى مەن وتەگەن باتىر كوشەلەرى ارالىعىنداعى «ماسكەۋ» بەكەتى توننەلىندەگى قۇرىلىستىڭ باستالۋى، مومىش ۇلى مەن ياسساۋي كوشەلەرىنىڭ ارالىعىنداعى اۋماقتا ەكىنشى بولىكتىڭ ىسكە قوسۋ كەشەنى قۇرىلىسىنىڭ ءتامامدالۋى.
الماتى مەتروسى قازاقستانداعى تۇڭعىش، ورتا ازياداعى تاشكەنتتەن كەيىنگى ەكىنشى جانە تمدداعى ون التىنشى مەترو بولماق.
2002 جىلى مەترو قۇرىلىسى ءىرى ينۆەستيسيالىق جوبا رەتىندە جاريالانىپ، ق ر پرەزيدەنتىنىڭ بۇيرىعى بويىنشا الماتى قالاسىن وركەندەتۋدىڭ 20032010 جىلدارعا ارنالعان مەملەكەتتىك باعدارلاماسىنا ەنگىزىلۋى، قوسىمشا قارجى ءبولىنۋى مەترو قۇرىلىسشالارى ءۇشىن بەتبۇرىس كەزەڭ بولدى. تۇتاس العاندا قارجىلاندىرۋ كولەمىنىڭ ۇلعايۋى قۇرىلىس جۇمىستارىنىڭ كولەمىن ارتتىرۋعا، جاڭا يننوۆاسيالىق تەحنولوگيالاردى ەنگىزۋگە مۇمكىندىك تۋعىزدى.
الماتى مەتروسىن سالۋداعى ەڭ ءبىر كۇرمەۋى قيىن كۇردەلى جاعداي قالانىڭ جوعارى سەيسميكالىق ءقاۋىپتى ايماقتا ورنالاسۋىنا بايلانىستى. قالا توعىز بالعا دەيىنگى قۋاتتى جەر سىلكىنىسى بولۋى مۇمكىن ايماقتا ورنالاسقان. سەيسميكالىق ءقاۋىپتى ايماقتا قۇرىلىس جۇرگىزۋ ءۇشىن قۇرىلىس تەحنولوگياسىنىڭ تالاپتارى قاتاڭ ساقتالۋى ءتيىس- دەپ ءسوزىن اياقتادى ج.مۇرات قىزى.
