جورا موروزوۆ ەسىمدى فەيسبۋك قولدانۋشىسى ءوزىنىڭ پاراقشاسىندا قازاقتىڭ تازىسىن قورلاپ جاتىر دەگەن جازبا جاريالاعان بولاتىن.
مىنە، ءبىر كۇن بۇرىن جاريالاعان جازبادان كەيىن، قۋانىشىمىزعا وراي، مينيستر مىرزا ماسەلەنى ءوز باقىلاۋىنا الدى. Qamshy.kz اقپارات اگەنتتىگى ارىستانبەك مۇحامەدي ۇلىنىڭ فەيسبۋكتەگى جازباسىن وقىرمان نازارىنا ۇسىنادى:
"دوستارىم، بۇگىن تۇندە ماعان «ەتنواۋىل» ۇلتتىق-مادەني ورتالىعى اۋماعىندا («قازانات» يپپودرومى) ەكى تازىنىڭ جاعدايى تۋرالى سىلتەمە كەلدى. تاڭنان باستاپ جاعدايدى انىقتاۋعا كىرىستىم.
مەكەمە بالانسىندا بىردە-بىر يت جوق. يتتەر تۇرعان قاماۋلار «ەتنواۋىل» ايماعىنداعى شارالارعا قاتىساتىن سىرتتان اكەلەتىن جانۋارلارعا ارنالعان. ەكى ءيتتىڭ دە يەسى - بەكبولات ەسىمدى جەكە تۇلعا، ولاردى پاۆلوداردان اكەلىپتى. ونىڭ ايتۋىنشا، ءبىراز ۋاقىت بۇرىن ەكى يت قورشاۋدان جوعالىپ كەتىپ، 10 كۇن ىزدەستىرۋدەن كەيىن وتە ناشار جاعدايدا قايتارىلىپتى. يتتەر جوعالعانى تۋرالى پوليسياعا بەرگەن ارىزى بار.
مەنىڭ نۇسقاۋىممەن ەكى ءيتتى دە استانانىڭ ۆەتەرينارلىق كلينيكاسىنا اپارىپ، سول جەردە تولىق مەديسينالىق زەرتتەۋدەن ءوتىپ، قاجەت ەم قابىلدايتىن بولادى. ۆەتەرينارلاردىڭ قورىتىندىسى بويىنشا، جانۋارلاردىڭ جاعدايى قاناعاتتانارلىق: تازى ستاندارتقا سايكەس ارىق بولۋى كەرەك. ءبىز يتتەردى ءىستىڭ ءمان-جايىن انىقتاعانشا سول جەردە قالدىرۋدى شەشتىك.
ىشكى قىزمەتتىك تەكسەرۋ باستالدى. كىنالىلەر مىندەتتى تۇردە جازالاناتىن بولادى. يتتەردىڭ قوجايىنىمەن كەلىسىمشارتتى بۇزۋ تۋرالى جانە جورا موروزوۆتىڭ وپەراسياعا جۇمسالعان قارجىسىن ۇستاپ قالۋ تۋرالى شەشىم قابىلداندى.
پوست اۆتورىنا جانۋارعا دەگەن مەيىرىمى مەن ادامگەرشىلىگى ءۇشىن العىس بىلدىرەمىن. جانۋارلارعا مۇنداي قارىم-قاتىناسقا جول بەرمەۋىمىز كەرەك. ءبىراق يتتەردىڭ يەسى بەر ەكەنىن ەسكەرىپ، ونىڭ جەكەمەنشىگىن تارتىپ الا المايمىز. قاجەت بولسا، قۇقىق قورعاۋ ۇيىمدارىنا جۇگىنەمىز. ەگەر قوجايىنىنان يتتەردى الاتىن بولسا، «ەتنواۋىل» ولاردى ءوز ساپىنا قابىلداپ، ءقاۋىپسىز جانە جايلى ءومىر سۇرۋلەرىنە جاعداي جاساۋعا دايىن".
