اعىمداعى جىلدىڭ ءى-جارتىجىلدىعىندا ەلىمىزگە 215 801 تۋريست كەلگەن.

بۇل تۋرالى الماتى قالاسى وڭىرلىك كوممۋنيكاسيالار قىزمەتىنىڭ الاڭىندا وتكەن بريفينگتە الماتى قالاسى تۋريزم جانە سىرتقى بايلانىستار باسقارماسىنىڭ باسشىسى  قيقىموۆ ماقسات ساكەن ۇلى ايتتى.

ونىڭ ايتۋىنشا، تۋريزم ساۋدامەن، ونەركاسىپپەن، قارجى سەكتورىمەن، قۇرىلىسپەن، كولىكپەن قاتار ەكونوميكا درايۆەرلەرىنىڭ ءبىرى جانە حالىقتى بارىنشا جۇمىسپەن قامتۋدىڭ ايرىقشا ءبىر كوزى بولىپ تابىلادى.

وسىعان بايلانىستى، بۇگىندە ءتۋريزمدى دامىتۋدىڭ 2023 جىلعا دەيىنگى مەملەكەتتىك باعدارلاماسىنىڭ جوباسى  ازىرلەنگەن، ونى تۋريستىك سالا سۋبەكتىلەرى قىزۋ تالقىلاۋدا  جانە 2019 جىلدىڭ 1 قاڭتارىندا  بەكىتۋ  جوسپارلانىپ وتىر.

وزدەرىڭىزگە ءمالىم، الەمنىڭ كوپتەگەن ەلىندە تۋريزم ءجىو-نىڭ وسۋىنە ەلەۋلى ۇلەس قوسادى. سونىمەن قاتار الەمدىك تۋريزم يندۋسترياسىنىڭ جيىنتىعى الەمدىك ءجىو-نىڭ 10%-ىن  قالىپتاستىرادى جانە  ءاربىر 11 جۇمىس ورنىن قۇرادى. داعدارىس كەزىنىڭ وزىندە تۋريزم جىل سايىن 4-5% وسەدى.

بۇگىندە بارلىق كەلۋشىلەردىڭ بەسىنشى بولىگى (ىشتەگىلەردى قوسا العاندا) جانە 40% شەتەلدىكتەر الماتىعا كەلەتىنىن ايتا كەتۋ كەرەك. مەگاپوليس «Economist Intelligence Unit» رەيتينگى بويىنشا  ءومىر ءسۇرۋ ءۇشىن ەڭ ارزان قالالار تىزىمىندە      3-ورىندا تۇر. سوڭعى ءۇش جىلدا  تۋريستەر سانى  ورتا ەسەپپەن  العاندا 14%-عا، ال وتكەن جىلى - 20%-عا وسكەن (ۋنيۆەرسيادا جانە ەكسپو  ارقاسىندا).

2017 جىلى اۋەجاي ارقىلى قالاعا شامامەن 508 مىڭ تۋريست كەلگەن، ماۋسىمدىلىقتى  ەسەپكە الماعاندا، بۇل ايىنا  42 مىڭنان اسا ءتۋريستى قامتيدى. ەۆروپادان جانە ازيادان كەلگەن شەتەل تۋريستەرىنىڭ باسىم بولىگى، ياعني شامامەن 60%-ى تۇمسا تابيعات ورتاسى رەتىندە الماتىنى تاڭدايدى، قازاقستاندىق تۋريستەردىڭ 55%-ى مۇندا ءتۇرلى ويىن-ساۋىقتاردىڭ بولۋى سەبەپتى ءجيى كەلەدى.

تۋريستەر سانىنىڭ وسۋىمەن بىرگە جايعاستىرۋ ورىندارىنا كەلۋشىلەر سانىنىڭ دا ارتۋى بايقالادى. مىسالى، 2018 جىلدىڭ 1-توقسانىنىڭ  قورىتىندىسى بويىنشا، جايعاستىرۋ ورىندارىنا كەلۋشىلەردىڭ جالپى سانى 215 801 كەلۋشىنى قۇراعان (2017 جىلدىڭ 1-توقسانىندا – 212 541)، ونىڭ  29% – تۋريستەر.

سونداي-اق اعىمداعى جىلدىڭ 1-توقسانىندا وتكەن جىلدىڭ وسىنداي كەزەڭىمەن سالىستىرعاندا توسەك-ورىننىڭ جالپى سانى 13،5%-عا ءوسىپ، 16 133  قۇرادى (2017 جىلدىڭ  1-توقسانىندا – 14 205)، بۇل قالانىڭ ءبىر  مەزگىلدە 16 مىڭنان اسا ءتۋريستى قابىلداۋىنا مۇمكىندىك بەرەدى.

سونىمەن قاتار TripAdvisor الەمدىك پلاتفورماسىنداعى دەستيناسيا رەتىندە الماتى قالاسىنا قىزىعۋشىلىقتىڭ ارتۋى بايقالادى. الماتى ميكرو-سايتىنا نەگىزىنەن رەسەي، اقش، ۇلىبريتانيا، ءۇندىستان جانە گەرمانيا ازاماتتارى كىرەدى. ەكوتۋريزمگە بارىنشا قىزىعۋشىلىق بايقالادى.

بۇگىندە الماتى ەكونوميكاسىنىڭ 87% – قىزمەتتەر كورسەتۋ. بۇل ورايدا قالادا تۋريستىك بيزنەس جۇرگىزۋ ءۇشىن قولايلى  جاعداي  جاسالعان.

سونىمەن بۇگىندە الماتىدا 150-دەن استام تۋريزم نىساندارى، 15،5  مىڭ ورىندىق 180-نەن استام قوناق ۇيلەر مەن حوستەلدەر، 1300 تۋريستىك ۇيىم، 2000-نان استام جوعارى دەڭگەيلى سەرۆيس ۇسىناتىن كافە مەن مەيرامحانالار جۇمىس ىستەيدى. جىل سايىن بۇل سان وسۋدە. تەك وسى جىلدىڭ وزىندە الەمدىك دەڭگەيدەگى 2 قوناق ءۇي، ونىڭ ىشىندە Hilton، Novotel قوناق ۇيلەرىن، سونداي-اق 50 شاقتى كافە مەن مەيرامحانا  اشۋ جوسپارلانىپ وتىر.

سونىمەن قاتار بۇگىندە تۋريزم الماتىنىڭ ءجوو قۇرىلىمىندا نەبارى 1،5%-دى قۇرايدى.

سوندىقتان اعىمداعى جىلى 2020 جىلعا دەيىن «ءتۋريزمدى دامىتۋدىڭ 100. قادامى» كەشەندى قالالىق جوسپارى كەلەسى باعىتتار بويىنشا  بەكىتىلگەن-دەپ اتاپ ءوتتى باسقارما باسشىسى م.قيقىموۆ.