«Sanaly urpaq» جوبالىق كەڭسەسى «سىبايلاس-جەمقورلىققا قارسى تەحنولوگيالار» اتتى سەمينار-كەڭەس وتكىزدى.

الماتى قالاسىنىڭ ءبىلىم بەرۋ مەكەمەلەرىندە سىبايلاس-جەمقورلىققا قارسى ءىس-شارالاردى كۇشەيتۋ مەن ءبىلىم سالاسىنداعى مەملەكەتتىك قىزمەتتەردىڭ ساپاسىن ارتتىرۋ ماسەلەلەرى بويىنشا الماتى قالاسىنىڭ ءبىلىم باسقارماسىمەن بىرلەسە «Sanaly urpaq» جوبالىق كەڭسەسى «سىبايلاس-جەمقورلىققا قارسى تەحنولوگيالار» اتتى سەمينار-كەڭەس وتكىزدى.

شاراعا قالاداعى ورتا ءبىلىم بەرەتىن ۇيىمدار مەن مەكتەپ، كوللەدج باسشىلارى قاتىستى. كەزدەسۋ بارىسىندا «Sanaly urpaq» جوبالىق كەڭسەسىنىڭ جەتەكشىسى ق.ا. توكۋشيەۆ جۇرگىزىلگەن تالداۋدىڭ ناتيجەسىندە 18 ۇسىنىس ەنگىزىپ، ونىڭ ىشىندە كوللەدج، مەكتەپ قىزمەتكەرلەرى مەن ستۋدەنتتەرگە سىبايلاس-جەمقورلىققا قارسى ستاندارتتاردى بەكىتۋ، مەكتەپتەردەگى سالىمداردى جيناۋدى جويۋ، قاتاڭ تۇردە ستاندارتتارعا سايكەس مەملەكەتتىك قىزمەتتى ۋاقىتىلى جانە ساپالى نەگىزدە كورسەتۋ ماسەلەلەرىن تالقىعا سالدى.

سەمينار اياسىندا "Sanaly urpaq" جوباسى شەڭبەرىندە اكادەميالىق ادالدىق جانە سىبايلاس-جەمقورلىققا قارسى تەحنولوگيالاردى قامتاماسىز ەتۋ تەتىگىمەن ءبىلىم بەرەتىن ۇيىمداردىڭ جۇزەگە اسىرىلاتىن باعالاۋ جۇيەسىن قالىپتاستىرۋ ۇسىنىلادى. بولجام نەگىزىندە بۇل باعالاۋ جىل سايىن وتكىزىلەتىن بولادى. ونىڭ  ناتيجەلەرى بويىنشا قالىپتاساتىن سىبايلاس-جەمقورلىققا قارسى رەيتينگىسى ورتا مەكتەپ، كوللەدج جانە جوعارى وقۋ ورىندارىنا ءار ءبىلىم بەرۋ دەڭگەيى ءۇشىن بولەك جۇرگىزىلەدى.

سەمينار سوڭىندا الماتى قالاسىنىڭ ءبىلىم بەرۋ باسقارماسىنىڭ باسشىسىنىڭ ورىنباسارى ل.ا. جىلقىبايەۆا مەكتەپ جانە كوللەدج ديرەكتورلارىنا ءوز قىزمەتتەرى اياسىندا اكادەميالىق ادالدىق قاعيداسىنا سۇيەنە وتىرىپ قىزمەتتى جۇزەگە اسىرۋ قاجەتتىگىن قاداپ تاپسىردى.