الماتى كۇنىندە قانداي شەتەلدىك جۇلدىزدار ونەر كورسەتەدى؟

بۇل كۇنى الماتىنىڭ بارلىق ءىرى الاڭىندا ويىن-ساۋىق باعدارلاماسى ۇيىمداستىرىلادى.

الماتىلىقتاردى قالا كۇنىمەن قۇتتىقتاۋعا LMFAO تانىمال دۋەتى كەلەدى.

قالا اكىمى باسپا ءسوز قىزمەتىنىڭ حابارلاۋىنشا، امەريكالىق دەنس-حيپ-حوپ ۇجىمى 16 قىركۇيەك كۇنى Almaty Arena-دا قالا كۇنىنە ارنالعان B-DAY PARTY گالا-كونسەرتىندە Redfoo باعدارلاماسىمەن ونەر كورسەتەدى.

بۇعان قوسا، كونسەرتكە رەسەيدىڭ “گرادۋسى”، Hammali & Navai، “مالبەك” توپتارى، سيۋزاننا جانە باسقا دا مۋزىكانتتار قاتىسادى. بۇل كۇنى الماتىنىڭ بارلىق ءىرى الاڭىندا ويىن-ساۋىق باعدارلاماسى ۇيىمداستىرىلادى. تۇڭعىش پرەزيدەنت پاركىندە، پانفيلوۆ كوشەسىنىڭ بويىندا، Almaty Arena الدىنداعى الاڭدا، جىبەك جولى كوشەسىندە، اباي جانە استانا الاڭدارىندا، ورتالىق مادەنيەت جانە دەمالىس ساياباعىندا، كوكتوبەدە Aلما FEST وتەدى.

ەسەنتاي وزەنىنىڭ بويىندا ARTBAT FEST حالىقارالىق قازىرگى زامانعى ونەر فەستيۆالى ۇيىمداستىرىلادى، جىبەك جولى كوشەسىندە كىلەم كورمە-جارمەڭكەسى، ورتالىق مادەنيەت جانە دەمالىس ساياباعىندا VII ALMATY GARDEN SHOW حالىقارالىق ب ا ق فەستيۆالى، استانا الاڭىندا Red Bull ALMA FMX JAMS موتوفريستايل شوۋى بولادى.

مەرەكە استانا الاڭىندا وتشاشۋمەن اياقتالادى. قالا كۇنىنە وراي 25 تامىزدان 30 قىركۇيەككە دەيىن بارلىعى 100-دەن استام مادەني شارا وتەدى.