2018 جىلى 22 تامىزدا الماتى قالاسىنىڭ قارجى باسقارماسىندا مەملەكەتتىك قىزمەت سالاسىندا جۇرگىزىلىپ جاتقان مەملەكەتتىك ساياساتتىڭ باسىم باعىتتارى جونىندە دوڭگەلەك ۇستەل وتكىزىلدى. اتالعان جيىن قارجى باسقارماسىنىڭ قىزمەتكەرلەرى مەن ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتىنىڭ باس مامانى ماديار البانبەكوۆتىڭ قاتىسۋىمەن وتكىزىلدى. م.البانبەكوۆ مەملەكەتتىك قىزمەتتىڭ دامۋ كەزەڭدەرىنە شولۋ جاساپ، مەملەكەتتىك قىزمەتتىڭ قازىرگى تاڭداعى جاعدايى تۋرالى ءسوز ەتتى. ول ءوز سوزىندە بىلاي دەپ كورسەتتى: «قازاقستان رەسپۋبليكاسىنىڭ پرەزيدەنتى ن.ءا. نازاربايەۆ تاۋەلسىزدىك العان كۇننەن باستاپ حالىق پەن مەملەكەتكە قىزمەت ەتۋدى بارىنەن بيىك قوياتىن، كاسىبي مەملەكەتتىك اپپاراتتى قۇرۋعا باسا نازار اۋدارىپ كەلەدى. وسى جىلدار ىشىندە مەملەكەتتىك قىزمەت جۇيەسىندە جۇرگىزىلگەن رەفورمالاردىڭ ناتيجەسىندە مەريتوكراتيا، تيىمدىلىك پەن قوعامعا ەسەپ بەرۋشىلىك قاعيداتتارىنا نەگىزدەلگەن مەملەكەتتىك قىزمەتتىڭ بىرەگەي مودەلى قۇرىلدى جانە قازىرگى تاڭدا اگەنتتىك تاراپىنان مەملەكەتتىك قىزمەت جۇيەسىن ودان ءارى جەتىلدىرۋ بويىنشا، مەملەكەتتىك قىزمەتشىلەردىڭ جاعدايىن ودان ءارى جاقسارتۋ بويىنشا، ولاردىڭ الەۋمەتتىك پاكەتىن ودان ءارى كەڭەيتۋ بويىنشا كەشەندى ءىس-شارالار اتقارىلۋدا».

باسقارما قىزمەتشىلەرىنىڭ ەڭ قىزىعۋشىلىق تانىتقان ماسەلەلەرىنىڭ ءبىرى – ەڭبەكاقى تولەۋدىڭ تۇبەگەيلى جاڭا جۇيەسىنىڭ پيلوتتىق جوباسى بولدى. اتالعان پيلوتتىق جوبا بويىنشا باسقارما قىزمەتشىلەرى وزدەرىنىڭ سۇراقتارىن قويىپ، ءوز سۇراقتارى بويىنشا جاۋاپتارىن الدى.

جيىن سوڭىندا باسقارما قىزمەتشىلەرى وتكىزىلگەن دوڭگەلەك ۇستەل بويىنشا وزدەرىنىڭ ريزاشىلىقتارىن ءبىلدىرىپ، مەملەكەتتىك قىزمەتشىلەردىڭ مەملەكەتتىك قىزمەتكە دەگەن ىنتالارىنىڭ جوعارىلاۋىنا سەپتىگىن تيگىزەتىندىگىن اتاپ كورسەتتى.