قويىلىم رەجيسسەرى - گالينا پيانوۆا، سۋرەتشىسى - تاشكەنتتىك الەكساندر باركوۆسكيي مەن تەاتردىڭ باس سۋرەتشىسى انتون بولكۋنوۆ.

ARTيشوك تەاترى جاڭا ماۋسىمدا دەنيس تەنگە ارنالعان سپەكتاكلدى ساحنالايدى.

تەاتردىڭ 18-ماۋسىمىندا قازاقستاندىق فيگۋريست دەنيس تەندى ەسكە الۋ ءۇشىن ارنايى جوبا جوسپارلانعان.

سپەكتاكل باسپا ءسوز بەتتەرى مەن الەۋمەتتىك جەلىلەردە قايعىلى قازاعا بايلانىستى جاريالانعان جازبالار جەلىسى بويىنشا قۇرىلادى. تەاتر ارتىستەرى بۇل ءماتىندى ساحنادان ادەبي شىعارما رەتىندە وقيدى. قويىلىم تەاتر رەپەرتۋارىنا ەنەدى.

 «رۋحى مىقتى ادام - بۇگىنگىنىڭ گاملەتى. ول ءوز ويىن، پىكىرىن، ۇستانىمىن اشىق ايتا الادى. دەنيس تەن ارامىزدان كەتكەن ساتتەن باستاپ بىرنەشە كۇن تولاساتاماعان جازبالاردىڭ ءقازىر ۇمىتىلىپ بارا جاتقانى قىنجىلتادى. سەبەبى، ەستەلىك ماڭگى ەمەس، ال فەيسبۋك لەنتاسى كۇندە جاڭارادى. ءبىز سول كەزدەگى جازىلعان، اقتارىلعان سەزىمدەردى قايتا وقىپ، كورەرمەن ەسىنە سالعىمىز كەلەدى»،-دەدى تەاتر ديرەكتورى اناستاسيا تاراسوۆا.

ARTيشوك تەاترىنىڭ جاڭا ماۋسىمى 20 قازان كۇنى «گاملەت» سپەكتاكلىنىڭ تۇساۋكەسەرىمەن اشىلادى.

قويىلىم رەجيسسەرى - گالينا پيانوۆا، سۋرەتشىسى - تاشكەنتتىك الەكساندر باركوۆسكيي مەن تەاتردىڭ باس سۋرەتشىسى انتون بولكۋنوۆ.