الماتى قالاسىندا الەۋمەتتىك جوبالاردى جۇزەگە اسىرۋشى ۇكىمەتتىك ەمەس ۇيىمدارمەن جينالىس بولىپ ءوتتى.

2018 جىلعى 16 تامىزدا الماتى قالاسى اكىمدىگىندە ءدىن ىستەرى جونىندەگى باسقارماسىنىڭ باسشىسى ا.ەسەنبەكوۆتىڭ توراعالىعىمەن باسقارمانىڭ مەملەكەتتىك الەۋمەتتىك تاپسىرىسى اياسىنداعى جوبالاردىڭ جۇزەگە اسىرىلۋ بارىسىن تالقىلاۋ بويىنشا جينالىس ءوتتى.

جينالىسقا «قازاقستان رەسپۋبليكاسىنداعى تەرروريزم جانە ەكسترەميزم ماسەلەلەرىن زەرتتەۋ بويىنشا ورتالىق» قق پرەزيدەنتى بيشمانوۆ ك.، «پەرسپەكتيۆا» اقپاراتتىق كەڭەس-بەرۋ توبى» قق پرەزيدەنتى بۋروۆا ە.، «قازاق ينتەرنەتى» قب وكىلى جۋزەي م.، «جاۋحار» ۇلتتىق ءداستۇردى قولداۋ قورى» قق وكىلى ءاشىمحان م.، «ادىرنا ۇلتتىق-ەتنوگرافيالىق بىرلەستىگى» قق پرەزيدەنتى اۋباكىر ا.، «SAAD Almaty» جق وكىلى ءابىشوۆ ق.، قاتىستى.

ءىس-شارا بارىسىندا جوبالاردى جۇزەگە اسىرۋشى الەۋەتتى ورىنداۋشىلار جىل باسىنان بۇگىنگى كۇنگە دەيىن اتقارعان جۇمىستارى بويىنشا ەسەپ بەردى. شارالاردى جۇزەگە اسىرۋداعى كەيبىر قيىنشىلىقتار مەن ورىن الىپ وتىرعان كەمشىلىكتەر ايتىلدى. شارا سوڭىندا باسقارما باسشىسى ا. ەسەنبەكوۆ تاراپىنان جوبالار اياسىندا قاراستىرىلعان ءىس-شارالاردى جوسپارعا سايكەس ۋاقىتىلى ءارى ساپالى ورىنداۋ قاجەت ەكەندىگى ايتىلىپ، ءبىرقاتار تاپسىرمالار بەرىلدى.