«سپورتتىق الماتى» باعدارلاماسى اياسىندا كەزەكتى ۆەلوشەرۋ ءوتتى. 700-گە جۋىق قالا تۇرعىندارى مەن قوناقتارى «نۇرلى تاۋ» بو الاڭىنان باستاپ قازاقستان ىسكەرلىك ىنتىماقتاستىق ورتالىعى – «اتاكەنتكە» دەيىن ءجۇرىپ ءوتتى. ۆەلوشەرۋدىڭ جالپى قاشىقتىعى 9 شاقىرىمدى قۇرادى.  

مارەدە قاتىسۋشىلار تانىمال ارت-وبەكتىسى «ۇلكەن ءتيىندى» تاماشالاپ، باعالى سىيلىقتار مەن ۆەلوسيپەدتەرگە يە بولدى. سونىڭ ءبىرىن ەجەبەكوۆتار وتباسى ۇتىپ الدى.

– بۇگىن ءبىز ءبىرىنشى رەت بۇكىل وتباسىمىزبەن قاتىستىق، وسى ۋاقىتقا دەيىن ءوزىم اراسىندا كەلەتىنمىن. مەنىڭ ۇلىمنىڭ باعى بار ەكەن، كەلە سالىپ ۆەلوسيپەد ۇتىپ الدى. وتە قۋانىشتىمىز. ءوزىم ۆەلوسيپەد تەپكەندى جاقسى كورەمىن، اپتاسىنا ءبىر رەت جۇمىسقا بارىپ تۇرامىن، – دەدى ۆيتاليي ەجەبەكوۆ.

ايتا كەتەر ءجايت، بۇل ۆەلوشەرۋ «سپورتتىق الماتى» قالالىق باعدارلاماسىنىڭ قولداۋىمەن 2018 جىلى جوسپارلانعان 21 ۆەلوشەرۋدىڭ ون ەكىنشىسى.