ساعادييەۆ: 3-6 جاستاعى بالالاردى بالاباقشامەن قامتۋدى 93%-عا جەتكىزدىك

استانادا 2018-2019 وقۋ جىلى قارساڭىندا باسپا ءسوز ءماسليحاتىن وتكىزگەن ق ر ءبىلىم جانە عىلىم ءمينيسترى ەرلان ساعادييەۆ مەكتەپكە دەيىنگى بالالاردى بالاباقشامەن قامتاماسىز ەتۋ بويىنشا اتقارىلىپ جاتقان ىستەر تۋرالى ايتتى، دەپ حابارلايدى Qamshy.kz اقپارات اگەنتتىگى Baq.kz-كە سىلتەمە جاساي وتىرىپ.

ونىڭ ايتۋىنا قاراعاندا، مەملەكەتتىك-جەكەمەنشىك ارىپتەستىك وسى دەڭگەيدە ەڭ جاقسى دامىعان.

"جەكەمەنشىك بالاباقشالار ۇلەسى 30%-دان استى. ال 3-6 جاستاعى بالالاردى بالاباقشامەن قامتۋدى 93%-عا جەتكىزدىك. «بالاپان» باعدارلاماسى ارقىلى بالاباقشالارداعى جالپى ورىن سانى حالىقتىڭ سۇرانىسىنان استى. ءبىراق بۇل رەسپۋبليكا بويىنشا. ايماقتاردا ديسبالانس بار. ول ميگراسياعا بايلانىستى. ءىرى قالالاردا، اسىرەسە الماتى مەن استانادا بالاباقشانىڭ جەتىسپەۋشىلىگى جوعارى دەڭگەيدە" - دەيدى مينيستر.

سونىمەن قاتار، ول بالاباقشاعا تىركەلۋ ماسەلەسىن ەلەكتروندى تۇردە جۇرگىزۋگە كوشۋ كەرەكتىگىن ايتتى.

"تاعى ءبىر ماڭىزدى جۇمىس – بالاباقشاعا كەزەككە تۇرۋ مەن جولداما بەرۋدى تولىعىمەن ەلەكتروندى فورماتقا اۋىستىرۋ. سوندا كەزەك جاريا تۇردە جانە تەز جىلجيتىن بولادى" - دەيدى ول.

مينيستر 0ء-شى سىنىپتاردىڭ وقۋشىلارى مەن ۇستازدارىن دايارلاۋ ماسەلەسى تۋرالى ايتتى.

"كەلەسى جىلدان باستاپ 0ء-شى سىنىپ تاربيەشىلەرى مەن مۇعالىمدەردى دايىنداۋعا كىرىسەمىز. لاتىنشا «الىپپە» جانە كيريليسادا «بۋكۆار» بازالىق وقۋلىقتارىن دايىنداۋ جۇمىسى ءجۇرىپ جاتىر. وقۋلىقتار 2020-2021 وقۋ جىلىنا دايىن بولادى" - دەيدى ەرلان ساعادييەۆ.