بيىل وقۋلىقتاردىڭ ساپاسى جوعارى بولادى دەپ سەنەمىز. بۇل تۋرالى ورتالىق كوممۋنيكاسيالار قىزمەتىندە ق ر ءبىلىم جانە عىلىم ءمينيسترى ەرلان ساعادييەۆ ءمالىم ەتتى، دەپ حابارلايدى Qamshy.kz اقپارات اگەنتتىگى قازاقپارات-قا سىلتەمە جاساي وتىرىپ.

«ورتا بىلىمگە وتكەن جىلى ەڭ كوپ كوڭىل ءبولىندى. بۇل دەڭگەيدە كەستەگە سايكەس جاڭارتىلعان مازمۇنعا كوشۋ جۇمىستارى جالعاسۋدا. جاڭا وقۋ جىلىنان باستاپ 3، 6، 8ء-شى سىنىپتار مازمۇنى جاڭارتىلعان باعدارلامامەن وقي باستايدى. 4، 9، 10-شى سىنىپتاردا اپروباسيا باستالادى. كەزەڭ-كەزەڭىمەن كوشىپ وتىرمىز. مۇعالىمدەر مەن وقۋلىقتار دايىن. قازىرگى كۇنى رەسپۋبليكا بويىنشا وقۋلىقتاردى مەكتەپتەرگە جەتكىزۋ 99،5 پايىزدى قۇرادى. وسى باعىتتاعى جۇمىستاردى كۇن سايىن باقىلاپ وتىرمىز. الداعى ەكى كۇندە بارلىق وقۋلىقتار جەتكىزىلەتىن بولادى»، - دەدى مينيستر. ونىڭ سوزىنە قاراعاندا، وقۋلىقتاردىڭ ساپاسىن جاقسارتۋ ءۇشىن كوپ جۇمىس جاسالدى. «بيىل وقۋلىقتاردىڭ ساپاسى جوعارى بولادى دەپ سەنەمىز. وقۋلىقتاردىڭ ەلەكتروندىق نۇسقالارى ەنگىزىلدى»، - دەپ ءتۇيدى ە. ساعادييەۆ.