قازپوشتا ءارقاشان جاڭا يدەيالاردى قولداپ، جۇزەگە اسىرۋعا دايىن. بۇل تۋرالى استانا قالاسىندا قازپوشتا اق-نىڭ ۇيىمداستىرۋىمەن وتكىزىلگەن  Google meet up-تا Kazpost ITء-بولىمىنىڭ اتقارۋشى ديرەكتورى باحتيار مۇحامەتقالييەۆ مالىمدەدى. 

Meet up-تا Google كومپانياسىنىڭ ماماندارى قاتىسۋشىلارعا جوبالارمەن ءتيىمدى جۇمىس ىستەۋى جانە قىزمەتكەرلەردىڭ جەكە ءوسۋى ءۇشىن Google قۇرالدارىن دۇرىس پايدالانۋ جايىندا قىزىقتى مالىمەتتەرىمەن ءبولىستى.

Google كومپانياسىنىڭ وكىلى ەۆگەنيي گانچيتس شاراعا قاتىسۋشىلارعا گۋگل ىزدەۋ جۇيەسىنىڭ قىر-سىرىمەن تانىستىرىپ، ايتىپ بەردى.

ەۆگەنيي گانچيتس بۇل جايىندا ءوز تاجىريبەسىندەگى ءساتتى جارناما ارقىلى ينتەرنەتتەگى قالىڭ جۇرتشىلىقتىڭ نازارىن قالاي اۋدارۋ كەرەكتىگىن ايتىپ، جول كورسەتتى.

«ءسىزدىڭ ءىسىڭىز تۋرالى حابارلاندىرۋ قىزىقتى بولۋى كەرەك، بۇل دۇكەندەگى سورەلەر سەكىلدى ادام كوزىن تارتادى، ياعني العاشقى اسەر قالىپتاستىرادى. ەگەر ءسىز ەلەۋلى كاسىپكەر بولساڭىز، جارنامالىق ءماتىن وتە ساپالى بولۋى ماڭىزدى ءرول اتقارادى. پايدالانۋشىلار ءسىزدىڭ سايتىڭىزعا نەگە كىرگەنىن جانە ول جەردەن وزىنە نە الاتىنىن بىردەن بىلەتىندەي بولۋ كەرەك. ءتۇيىندى سوزدەر ايتىڭىز، بوس ۋادە بەرمەڭىز ول سىزگە دەگەن سەنىمدىلىكتى ارتتىرادى»، – دەپ سپيكەر ءبىراز پايدالى اقپاراتتار ۇسىندى.

Meet up-تى digital-اگەنتتىكتى دامىتۋمەن اينالىساتىن اسيا مامبەتالييەۆا Google-عا تيەسىلى YouTube قىزمەتى جونىندە ايتىپ بەردى. باستى نازاردى جارنامالىق بەينەروليكتەردە بولدى. 

«ورتاشا ەسەپپەن العاندا كورەرمەن سمارتفوننان بەينە كورۋ ءۇشىن كۇنىنە ءبىر ساعاتتان استام ۋاقىت وتكىزەدى. بۇگىندە ءبىز ساپالى كونتەنتتى قالايمىز – بۇل ءوز كەزەگىندە جارناما بەرۋشىلەردى شاقىرۋ. YouTube-تا بەينە جارنامالاردىڭ كوپ تۇرلەرى بار. ءبىراق ەڭ جاڭالارى تومەنگى جاعىندا كورىنىپ تۇرادى»، – دەدى ءاسيا مامبەتالييەۆا.

♦تەلەفوننىڭ زياندى تۇستارىنان قورعانۋدى بىلەسىز بە؟

ول سونداي-اق، قازاقستاندىق YouTube-تا كازينو مەن برەندتى جارنامالاۋعا تىيىم سالىنعانىن دا ەسكەرتىپ ءوتتى.