“Shine production” پروديۋسەرلىك ورتالىعى ءۇشىن بيىلعى جىل بەينەكليپ تۇسىرۋمەن باستالدى.

بۇعان دەيىن بايان ەسەنتايەۆا باستاعان توپ “KeshYou”، “لاشىن” توپتارىنا، كامشات جولدىبايەۆا مەن ەركە ەسماحانعا سۋجاڭا ۆيدەو ءتۇسىرۋ ءۇشىن ءۇندىستانعا بارىپ قايتقان ەدى. ەندى كەزەك جانار دۇعالوۆاعا كەلىپتى. “Turkvision-2014″ بايقاۋىندا قازاقستاننىڭ نامىسىن قورعاعان جانار جاڭا بەينەبايانىنىڭ تۇسىرىلىمىنە كىرىستى. ورىنداۋشىعا جەڭىس سىيلاعان ءاندى ءوزى، ال ءماتىنىن رينات زايىتوۆ جازعان بولاتىن. قازاق دانالارىنا ارنالعان “ءىزىن كورەم” ءانىن نۇرجان تاجىكەنوۆ دومبىرامەن سۇيەمەلدەگەن-دى. بەينەبايان ماسكەۋدە ءتۇسىرىلىپ جاتىر. رەجيسسەرى قازاقستاندىق جانە رەسەيلىك شوۋ-بيزنەس وكىلدەرىنىمەن بىرلەسە جۇمىس جاساعان — الەكسەي گولۋبيەۆ. ونىڭ بەينەبايانداردان بولەك، كينوكارتينالار مەن شوۋ-باعدارلامالارعا قوسقان ۇلەسى مول. جاڭا كليپ جايلى ءبىلۋ ءۇشىن جاناردىڭ مۋزىكالىق پروديۋسەرى باعىم مۇحيتدەنوۆاعا حابارلاستىق. “ءتۇسىرىلىم جۇمىستارى بۇگىن باستالدى. ال، تۇساۋكەسەرىنىڭ ناقتى قاي كۇنى بولاتىنىن ازىرگە ايتا المايمىن”،- دەيدى ول. كليپتە جانارمەن بىرگە نۇرجان تاجىكەنوۆ تە توبە كورسەتەدى.