26 جاستاعى ايەلدى اياۋسىز ءولتىرىپ، دەنەسىن بولشەكتەپ تاستاعان قىلمىسكەر قۇرىقتالدى دەپ مالىمدەدى اۋداننىڭ ءىىد باسپا ءسوز قىزمەتى. “9 مامىردا قاراعاندىدا جەدەل تەرگەۋ جۇمىستارى جۇرگىزىلىپ، 23 جاستاعى قاراعاندى وبلىسىنىڭ تۇرعىنى قۇرىقتالدى. قىلمىسكەر ءوز كىناسىن مويىندادى”، — دەپ جازىلعان دۇيسەنبى كۇنگى ءىىد حابارلاماسىندا. بەلگىلى بولعانلاي، 9 مامىردا قاراعاندىنىڭ قازىبەك بي اۋدانىنداعى جىلۋ تراسسالارىنىڭ كوللەكتورىندا 26 جاستاعى ايەلدىڭ ءمايىتى تابىلدى. ايەل 6 مامىردان بەرى ءىز-تۇسسىز جوعالىپ، ىزدەۋگە الىنعان بولاتىن. “كۇدىكتى ايەلدى ۇرىس-كەرىس بارىسىندا ولتىرگەنىن ايتىپ، ءوز كىناسىن مويىندادى. كەيىن ءوزىنىڭ قىلمىسىن جاسىرۋ ءۇشىن قۇربانىنىڭ دەنەسىن بولشەكتەپ تىعىپ قويعان”، — دەلىنگەن حابارلامادا. كۇدىكتى قاماۋعا الىنىپ، قىلمىستىق كودەكستىڭ 99 بابى بويىنشا تەرگەۋ جۇرگىزىلۋدە. ەستەرىڭىزگە سالساق، ايەلدىڭ دەنەسى 9 مامىر كۇنى شاباداننىڭ ىشىندە مەكتەپكە جاقىن ايماقتا تابىلعان بولاتىن.