عالامتوردا قازاقستاندىق مەكتەپتەردىڭ بىرىندە بولعان وقيعا قىزۋ تالقىلانۋدا. وندا ءبىر وقۋشى بالا بارلىق سىنىپتاستارىنىڭ كوزىنشە عاشىق بولعان قىزىنا ءوز سەزىمىن ءبىلدىرىپ، سىيلىق سىيلايدى. الايدا قىز ونىڭ سىيلىعىن قابىلداماي، لاقتىرىپ تاستايدى. عاشىق بولىپ جۇرگەن وقۋشى الدىمەن ءبارىنىڭ كوزىنشە پاننوعا قىزدىڭ سۋرەتىن سالادى. جاي سالماي، ارنايى تەحنيكامەن بىرنەشە مينۋتتىڭ ىشىندە ءوز سۇيىكتىسىنىڭ پورترەتىن بەينەلەيدى. سودان سوڭ، وسىلايشا ءوز سەزىمىن بىلدىرۋگە رۇقسات بەرگەن ۇستازىنا العىسىن ايتىپ، سىنىپتىڭ ارعى جاعىندا وتىرعان قىزعا ويىنشىق ايۋدى اپارادى. وسى كەزدە ءبارى شاپالاقتايدى. الايدا قىز ونىڭ سىيلىعىن قابىلدامايدى. ويىنشىقتى الىپ، لاقتىرىپ تاستايدى. ونىمەن قويماي، وزىنە سەزىم بىلدىرگەن ۇل بالا سىنىپتان شىعىپ كەتكەننەن كەيىن پورترەتتى دە دالىزگە شىعارىپ، تاستاي سالادى.