مۇحامەدجان تازابەك استانانىڭ اتاۋىن ءنۇر-سۇلتان بولىپ وزگەرۋىنە قاتىستى پىكىر ءبىلدىردى دەپ جازادى Qamshy.kz اقپارات اگەنتتىگى. بۇل تۋرالى ول ءوزىنىڭ Instagram پاراقشاسىنا جازدى.
"نۇر - سۇلتان" دەپ ەلوردانىڭ ەسىمى وزگەرگەنگە مەنەن ءبىراز وقىرماندارىم پىكىر سۇرادى. "ەلباسى بيلىكتەن كەتە سالىپ، اپىر-توپىر قىلماسا دا، ۋاقىت وتە شەشىلەتىن دۇنيە ەدى، نەگە سونشا اسىقتىردى" دەگەندەر دە بولدى...
"مەن قارسىمىن، xالىقپەن اقىلداسپادى" دەگەن دە رەنىشتەر پاراقشاما جازىلىپ جاتتى... وسى ايتىلعان سۇراقتار توڭىرەگىندە مەن نە ويلايمىن..؟
اشىپ ايتايىن، ماعان كەرەگى ەلدىڭ تىنىشتىعى، تاۋەلسىزدىكتىڭ باياندىلىعى! ءبىرجاقتى جاۋاپ بەرەردەي بيلىكتىڭ دە وكىلى ەمەسپىن، xالىقتىڭ اتىنان سويلەيتىندەي دە قاقىم جوق ەكەنىن دە جاقسى بىلەمىن. ءوز پاراقشامدا، ءوز ويىمدى عانا ايتايىن...
رۋxاني اعارتۋشىلىقپەن اينالىسقاسىن با، الدىما ءارتۇرلى ادامدار ءارتۇرلى پروبلەمامەن كەپ جاتادى. "ويناستان بالا كوتەرىپ قويىپ، نە ىستەرىن بىلمەي جۇرگەن بويجەتكەن، اكەسىنە قول كوتەرىپ قويعان سورماڭداي بالا، جۇبايىن ۇرىپ مۇگەدەك قىپ قويعان كۇيەۋ، جەسىر ايەلدىڭ ءۇيىن ورتەپ جىبەرگەن ماسكۇنەم كورشى..." كىممەن كەزدەسپەدىك، نە ەستىمەي ءجۇر دەيسىز؟! ايتا بەرسەڭ اۋزىڭ شارشايدى، ەستي بەرسەڭ جۇرەگىڭ قاتايادى. الگىندەي جانداردىڭ اڭگىمەسىن ءا، دەپ ەستىگەندە قاباعىڭ ءتۇيىلىپ، قانىڭ قارايادى...
قاتتى ايتىپ تاستاۋعا بەكىنىپ نەمەسە بۇرىلىپ كەتۋگە بەل بۋا باستايسىڭ. ازدان سوڭ ونىڭ دا وزىڭدەي پەندە ەكەنىن، تىعىرىققا تىرەلىپ، تايانىش ىزدەپ كەلگەنىن، قاپاستان شىعار جول تاپپاي، شىبىن جانى شىرقىراپ تۇرعانىن سەزگەن كەزدە، ساباڭا ءتۇسىپ، سابىرعا كەپ، الگى ادامنىڭ جانىنا مەدەت بولاتىن، قۇتىلۋىنا سەبەپ بولاتىن جاۋاپ ىزدەي باستايسىڭ...
باسىندا "بىتكەن جەرىڭ وسى شىعار، بۇدان ءارى نە جاقسىلىق بار دەيسىڭ، ابدەن تىنعان ەكەنسىڭ" دەپ تە، جەردەن الىپ،جەرگە سالعىڭ كەلەدى...
ءبىراق، مۇسىلمانشىلىعىڭ، قازاقي تاربيەڭ وعان جىبەرسىن بە، جانىڭ اشىپ، ءجىبىپ، اقىلداسىپ، الدىن اشۋعا ارەكەت ەتە باستايسىڭ... "اداسقاننىڭ الدى ءجون، ارتى سوقپاق" دەگەن راس ەكەن. اللا جاردەم ەتىپ، سول سۇرىنگەندەردىڭ كوبىنىڭ شارۋاسى شەشىلىپ، قاتەلىگىنىڭ قيۋى تابىلىپ، ۇرىسقاندارى تابىسىپ، كەتكەنى كەلىپ، كەمىسى تولىپ جاتادى. قانشاما مۇمكىن ەمەس، دەگەن ماسەلەنىڭ وڭ شەشىم تاپقانىنا كۋا بولدىم، جانىڭدى شىجعىرعانداي بولعان وقيعالاردىڭ ارتى xايىرلى بوپ، وڭ ىستەردىڭ باستاۋىنا اينالعانىن كوردىم...
وسى ايتىلعان جان تۇرشىگەرلىك جاعداياتتاردان كەيىن دە جاقسى كۇندەر سول پەندەلەردىڭ باسىنا كەلگەن بولسا، ءوز باسىم استانانىڭ اتى اۋىسقانىن ونداي ءبىر ۇلكەن قاسىرەت، ورنى تولماس ويسىراۋ، كوپكە قىلعان قيانات دەپ قابىلداي المادىم. بولار ءىس بولعان ەكەن. استانانىڭ ەسىمى اسقارالى ادامنىڭ اتىنا اۋىسقان ەكەن. ەرتە مە كەش پە ءبىر بولاتىن تىرلىك قوي. حاقتان xايىرىن سۇرادىم. اللادان بەرەكەسىن سۇرادىم.
ءبىر مىسال ايتايىن. جىل سايىن جۇزدەگەن ادامدار مەنىڭ ەسىمىمدى ۇلدارىنا قويعانىن ايتىپ جاتادى. ءوتىپ كەتكەن ەشتەڭەم جوق. ىشتەي قۋاناسىڭ. مۇنىڭ قالاي، دەپ رەنجىمەپپىن. سىزدەردە دە ونداي بوپ تۇراتىنىنا كۇمانىم جوق. ايدالاداعى مەنىڭ اتىمدى تۋعان بالاسىنا قويىپ جاتقان اعايىننىڭ ارەكەتىنە قاراعاندا استانانىڭ نۇرسۇلتان اتالۋى ءجۇز ەسە ادىلەتتى شەشىم، دەپ ويلايمىن!
ۇسىنعان: اسەل بولات قىزى
