Nur-Sultan.kz دومەنى ساتىلىمعا شىعارىلدى دەپ حابارلايدى Qamshy.kz اقپارات اگەنتتىگى  ♦telderi.ru اتتى رەسەيلىك سايتتار مەن دومەندەر بيرجاسىنا سىلتەمە جاساپ. 

حابارلاندىرۋ اۆتورى دومەن قازاقستان ەلورداسىنىڭ جاڭا اتاۋىنا تولىعىمەن سايكەس كەلەتىنەن جازا كەلە، باستاپقى باعاسى – ءتورت ميلليون ەكى ءجۇز مىڭ رۋبل (24 ميلليون 696 مىڭ تەڭگە) دەپ كورسەتكەن.

حوستينگ قىزمەتىن ۇسىناتىن سايتتاردىڭ بىرىندە دومەننىڭ اقتوبە تۇرعىنىنا تيەسىلى ەكەنى ايتىلىپتى. ول دومەندى 2019 جىلى 20 ناۋرىزدا ساتىپ العان ەكەن.

دومەن اكىمدىككە، تۋريستىك كومپانيالارعا، جاڭالىق پورتالدارىنا جانە ەلوردانىڭ عالامتور دۇكەندەرىنە ابدەن لايىق دەپ جازىلعان حابارلاندىرۋدا. 

ەسكە سالا كەتسەك، 23 ناۋرىزدا قازاقستان پرەزيدەنتى قاسىم-جومارت توقايەۆ كونستيتۋسياعا وزگەرتۋلەر ەنگىزىلگەنى تۋرالى زاڭعا قول قويىپ، قازاقستان ەلورداسى نۇر-سۇلتان دەگەن اتقا يە بولعان ەدى. مەملەكەت باسشىسى استانا اتاۋىن وزگەرتۋ تۋرالى جارلىققا دا قول قويدى.

ءسويتىپ، استانا اتاۋىنىڭ وزگەرگەنىن پايدالانىپ، اقتوبە تۇرعىنى بايىپ كەتۋدىڭ از-اق الدىندا تۇر.

ۇسىنعان: ماقپال سەمباي