ديماش قۇدايبەرگەن كرەمل سارايىندا ەكى كۇن قاتارىنان وتكەن كونسەرتىندە كومەك كورسەتكەن ادامدارعا العىسىن ءبىلدىردى دەپ حابارلايدى Qamshy.kz اقپارات اگەنتتىگى.
«ەكى كۇن قاتارىنان كرەملدەگى انشلاگ ءۇشىن راحمەت، ماسكەۋ! سىزدەرگە ونەر كورسەتكەنىم ءۇشىن باقىتتىمىن. وسى جوبا ءۇشىن ايانباي ەڭبەك ەتكەن بارلىق جاندارعا شىن جۇرەكتەن العىسىمدى بىلدىرەمىن. بۇگىن «1 كانالدا» (رەسەي تەلەارناسى-اۆت) كەزدەسكەنشە»، - دەپ جازدى ءانشى ♦ينستاگرامداعى پاراقشاسىندا.
ەسكە سالساق، 22-23 ناۋرىز كۇندەرى ماسكەۋدەگى كرەمل سارايىندا وتكەن ديماشتىڭ كونسەرتى كەرەمەت دەڭگەيدە وتكەن ەدى. كونسەرتكە ديماشتىڭ شىعارماشىلىعىنا شىنايى بەرىلگەن الەمنىڭ 50-دەن استام ەلىنەن جانكۇيەر كەلگەن. قۇرمەتتى قوناقتار اراسىندا ءانشىنىڭ اتا-اناسى، قازاقستاننىڭ رەسەيدەگى ەلشىسى، قازاقستاننىڭ مادەنيەت جانە سپورت ءمينيسترى، رەسەي پرەمەر-مينيسترىنىڭ جۇبايى، ەسترادا جۇلدىزدارى جانە وزگە دە بەدەلدى ازاماتتار بولعان.
قازاقستاندىق ءانشى ديماش قۇدايبەرگەننىڭ كونسەرتىنەن ءبىر كۇن بۇرىن الەمنىڭ 56 ەلىنەن 400-دەن استام جانكۇيەر ماسكەۋدە pre-party-دە باس قوسقان ەدى.
ۇسىنعان: ماقپال سەمباي
