قازاقستاندىق بوكسشى مەيىرىم نۇرسۇلتانوۆ كاسىپقوي شارشى الاڭدا 11ء-شى كەزدەسۋىندە جەڭىسكە جەتتى  دەپ حابارلايدى Qamshy.kz اقپارات اگەنتتىگى ♦Vesti.kz سايتىنا سىلتەمە جاساپ.

قازاقستاندىق 25 جاستاعى بوكسشىنىڭ قارسىلاسى پۋەرتو-ريكو ەلىنىڭ وكىلى 32 جاستاعى لۋيس ەرناندەس بولدى. ورتا سالماقتا وتكەن سەگىزراۋندتىق كەزدەسۋ اقش-تىڭ كاليفورنيا شتاتىنداعى گوليۆۋدتا Hollywood Fight Nights شوۋى اياسىندا ۇيىمداستىرىلدى.

كەزدەسۋدە تورەشىلەردىڭ ءبىراۋىزدان شىعارعان شەشىمىمەن نۇرسۇلتانوۆ 79-72 ەسەبىمەن جەڭىسكە جەتتى. 

وسىلايشا، نۇرسۇلتانوۆ سپورتتىق مانسابىندا 11 كەزدەسۋ وتكىزىپ، بارلىعىندا دا جەڭىسكە جەتىپ، ونىڭ سەگىزىن مەرزىمىنەن بۇرىن اياقتادى.

ەرناندەس بولسا، سەگىزىنشى رەت جەڭىلىپ وتىر ەكەن. بۇرىندارى ول 16 قارسىلاسىن تىزە بۇكتىرگەن. 

Hollywood Fight Nights شوۋىن GGG ءىسىن جۇرگىزۋشى توم لەففلەرگە تيەسىلى 360 Boxing پروموۋتەرلىك كومپانياسى ۇيىمداستىردى. بوكس كەشى اياسىندا باسقا قازاقستاندىق بوكسشى ءالي احمەدوۆ ونەر كورسەتتى. ءبىزدىڭ وتانداسىمىز ەكىنشى ورتا سالماقتا ءبىرىنشى رەت شىقتى.

بۇرىن ول جارتىلاي اۋىر ديۆيزيوندا ونەر كورسەتىپ كەلدى.  23 جاستاعى احمەدوۆتىڭ سەگىز راۋندتىق جەكپە-جەكتە امەريكالىق 37 جاستاعى مايك گايمەن (9-3-1، 5 كو) جۇدىرىقتاستى. كەزدەسۋ سەگىز راۋنتان تۇردى، قازاقستاندىق بوكسشى جەڭىسپەن اياقتادى. 

ۇسىنعان: ماقپال سەمباي