دۋبايدا "الەمدەگى ەڭ ۇزدىك ۇستاز" نوميناسياسىن جەڭىپ العان كەنيالىق ۇستاز موناح-فرانسيسك پيتەر تابيچيگە 1 ميلليون دوللار تابىستالدى دەپ حابارلايدى Qamshy.kz اقپارات اگەنتتىگى ♦Dubai Media Office سايتىنا سىلتەمە جاساپ.

دۋبايدىڭ تاق مۇراگەرى، ءباا ۆيسە-پرەزيدەنتى جانە پرەمەر-مينيسترى شەيح حامدان بەن موحاممەد بەن راشيد ال ماكتۋم "الەمنىڭ ەڭ ۇزدىك ۇستازى" اتاعىن جەڭىپ العان كەنيالىق ماتەماتيكا جانە فيزيكا ءپانى ءمۇعالىمى  پيتەر ءتابيچيدى ماراپاتتادى. 

اتلانتيدادا، پالمادا وتكەن سالتاناتتى كەشتە تابيچي  1 ميلليون دوللار كولەمىندە سىياقىعا يە بولدى. 

"الەمدەگى ەڭ ۇزدىك ۇستاز" (Global Teacher Prize gala) ماراپاتى - بۇل ءباا جىلدا وتكىزىلەتىن ءىس-شارا.  بۇل ماراپات، ياعني 1 ميلليون دوللار جولىندا كەزدەسكەن قيىندىقتارعا قاراماستان، ايانباي تەر توگىپ، ءوز سالاسىندا اتقارعان ەرەن ەڭبەگى ءۇشىن ەڭ ۇزدىك دەپ تانىلعان ۇستازعا تابىستالادى.

اتالمىش سىياقىنىڭ بىلتىرعى يەگەرى ۇلىبريتانيانىڭ ونەر جانە ەڭبەك ءپانىنىڭ ءمۇعالىمى اندريەي  زافيراكوۋعا تابىستالعان بولاتىن. ول ۇلىبريتانيانىڭ كەدەي وتباسى ستۋدەنتتەرىنە قولىنان كەلگەنشە ايانباي كومەك كورسەتكەن ەڭبەگى ءۇشىن وسىنداي ماراپاتقا يە بولعان.

بيىلعى بايقاۋعا الەمنىڭ 179 ەلىنەن 10 000 ۇمىتكەردەن ءوتىنىش كەلىپ تۇسكەن. ۇمىتكەرلەر قاتارىندا ءۇندىستان، اۆستراليا،اقش، نيدەرلاندى، كەنيا، برازيليا، جاپونيا، ارگەنتينا، ۇلىبريتانيا، گرۋزيا  ۇستازدارى بولعان. 

ايتا كەتسكە، ءۇندىستاندىق كاسىپكەر سانني ۆاركەيانىڭ قايىرىمدىلىق قورى 2015 جىلدان باستاپ "الەمدەگى ەڭ  ۇزدىك ۇستاز" پرەمياسىن بەرىپ كەلەدى.

بيىلعى جۇلدەگەر 36 جاستاعى پيتەر تابيچي كەنيادا اۋىلداردىڭ بىرىندەگى ورتا مەكتەپتە جاراتىلىستانۋ عىلىمدارىنىڭ ءمۇعالىمى.

ۇيىمداستىرۋشىلاردىڭ ايتۋىنشا، مەكتەپتە تەك ءبىر كومپيۋتەر بار ەكەن، ال ءبىر مۇعالىمگە 58 وقۋشىدان كەلەدى. سونىمەن قاتار، تابيچي ءوز جالاقىسىنىڭ كوپ بولىگىن كەدەيلەرگە بەرىپ، كومەك كورسەتۋمەن اينالىسقان ەكەن.

ۇسىنعان: ماقپال سەمباي