الماتىدا ءۇش جىگىت اڭگىمەلەسىپ وتىرعان قىزداردى تاسپەن ۇرىپ توناپ كەتتى دەپ جازدى تۇركىستان باسىلىمى. وقيعا ءتۇس مەزىگىندە الماتىداعى ورتالىق ستاديوننىڭ ماڭىندا بولعان. اڭگىمەلەسىپ وتىرعان ءۇش قىزدى ءۇش جىگىت تۋ سىرتىنان كەلىپ تاسپەن ۇرىپ، باعالى زارتتارىن توناپ كەتكەن.  بۇل تۋرالى، الەۋمەتتىك جەلى قولدانۋشىلارى باسىلىم تىلشىسىنە حابارلاعان. كۋاگەرلەردىڭ ايتۋىنشا، ەسەنتاي وزەنى بويىنان جۇگىرىپ شىققان ءۇش جىگىت قولدارىنداعى تاسپەن قىزداردى باستارىنان ۇرىپ، ەستەرىنەن تاندىرىپ قولدارىنداعى سومكەرلەرىن الىپ قاشقان. جەدەل جاردەم كەلگەنشە قىزداردىڭ ءبىرى قانسىراپ قالعان. ازىرگە، جارالانعان قىزداردىڭ قايسى ەمحاناعا جەتكىزىلگەندىگى جانە جاعدايلارىنىڭ قالاي ەكەندىگى بەلگىسىز. وقيعا ورنىنا جەتكەن، الماتى قالالىق ىشكى ىستەر دەپارتامەنتىنىڭ ماماندارى وقيعا ورىنىن تەكسەرىپ، قىلمىسكەرلەردى ىزدەستىرۋگە كىرىسكەن.