الماتىدا جول بويىندا جاعا جىرتىسپاق بولعان جىگىتتىڭ ارەكەتى  عالامتوردا ۇلكەن داۋ تۋعىزدى. ول جولىن كەسىپ وتپەك بولعان جۇرگىزۋشىنى توقتاتىپ، ۇرىپ تاستاعان دەپ حابارلايدى كتك. ءبىر قىزىعى، اشۋلى جىگىت ءوزىن قاۋىپسىزدىك كوميتەتىنىڭ وفيسەرىمىن دەپ تانىستىرىپتى. عالامتورعا ۆيدەونى جابىرلەنۋشىنىڭ ءوزى – سەرگەي دانكوۆ جۇكتەگەن. ول ءوز ءۇيىنىڭ اۋلاسىنا كىرەر كەزدە جول تار بولعاسىن، ميكرواۆتوبۋستى وتكىزبەك بولىپ، تەجەگىشتى باسىپتى. بۇل دانكوۆتىڭ ارتىندا كەلە جاتقان «سۋبارۋ» كولىگىنىڭ يەسىنە استە ۇنامايدى. اشۋلى جىگىت كولىككە جەتىپ كەلىپ، ايعايعا باسقان. ونىمەن قويماي، جۇدىرىق جۇمساي جونەلەدى. ول جابىرلەنۋشىنى سوققىعا جىعىپ، دەرەۋ جولدى بوساتۋىن بۇيىرىپتى. تاعى ءبىر ايتا كەتەرلىگى، جۇدىرىق جۇمساعان جىگىت ءوزىن بىرنەشە رەت ۇقك كاپيتانىمىن دەپ تانىستىرعان. بۇگىندە جابىرلەنۋشى قۇقىق قورعاۋ ورگاندارىنا شاعىم ءتۇسىردى. ول باس-مي جاراقاتىن العان، سونىمەن قاتار، قاسى جارىلعان. بۇگىندە بۇزاقى ىزدەستىرىلىپ جاتىر. ۇقك دەپارتامەنتىندەگىلەر بەينەروليك كەيىپكەرىنىڭ وزدەرىندە قىزمەت ەتپەيتىنىن مالىمدەدى.