امەريكاندىق جازۋشى ءارى عالىم مايكل حارت ادامزات تاريحىنداعى الەمنىڭ ەڭ ۇلى ءجۇز ادامىن ۇلىلىق دارەجەلەرىنە قاراي ىرىكتەپ ولار تۋرالى كىتاپ جازۋدى ويلاستىرادى. ولاردى تاڭداۋ بارىسىندا ءتۇرلى اسەرلەرگە بەرىلمەي جان-جاقتى بولۋ ءۇشىن مايكل حارت پەن ونىڭ سەرىكتەرى كومپيۋتەردى قولدانادى. كومپيۋتەرگە ۇلىلاردىڭ اتقارعان ىستەرى، العا قويعان ماقساتتارى ەرەكشە قاسيەتتەرى، ايرىقشا قابىلەتتەرى، جەتكەن ناتيجەلەرى مەن ادامزات تاريحىنا ىقپال-اسەرى سەكىلدى بارلىق ماعلۇماتتار سالىنادى. ول ءۇشىن ءبىراز تەر توگۋگە تۋرا كەلەدى. ناتيجەسىندە كومپيۋتەر تاريحتا ايتارلىقتاي ءىز قالدىرعان ءجۇز ادامدى تاڭداپ الادى. ەندى كومپيۋتەر ۇلىلاردىڭ ۇلىسىن تابۋعا ءتيىس بولادى. م.حارت ەرەكشە تولقىنىسپەن كومپيۋتەر نۇكتەسىن باسادى، ەكرانعا "مۇحاممەد پايعامبار" دەگەن جازۋ شىعادى. بۇل حارت پەن ونىڭ ارىپتەستەرىن قولايسىز جاعدايعا تۇسىرەدى. ولار ءبىر جەردەن قاتەلىك كەتكەن شىعار دەگەن ويمەن قايتا ساراپتاۋ جۇمىستارىن جۇرگىزەدى. كومپيۋتەر ايناسىنا "مۇحاممەد پايعامبار" دەگەن جازۋ قايتا شىعادى. بۇعان قاناعاتتانباعان حارت پەن ارىپتەستەرى تەكسەرۋ جۇمىستارىن بىرنەشە مارتە قايتالايدى. ءبىراق كومپيۋتەر قاسارىسىپ ايتقانىنان قايتپايدى. عالىمداردىڭ مۇنى مويىنداعاننان باسقا امالدارى قالمايدى. ساراپتاۋ ناتيجەسىندە م.حارت "تاريحتاعى ءجۇز ادام" دەگەن بەلگىلى ەڭبەگىن جازىپ شىعادى. كىتاپتا ۇلىلار ءتىزىمى ءبىزدىڭ پايعامبارىمىز مۇحاممەدتەن، ساللا اللا الەيھۋ ءۋا ءسالام، باستالادى. كىتاپ اقش-تا باسىلىپ شىعادى. ەندى وسى كىتاپتان شاعىن ۇزىندىلەر كەلتىرەيىك. "مەنىڭ الەمنىڭ ەڭ ىقپالدى ادامدارىنىڭ ءتىزىمىن مۇحاممەدتەن باستاۋىم وقىرمانداردى تاڭداندىرۋى جانە ولاردىڭ كەلىسپەۋشىلىگىن تۋعىزۋى مۇمكىن. الايدا ادامزات تاريحىندا ءدىن جانە دۇنيە ىسىندە عاجايىپ تابىسقا جەتكەن جالعىز سول عانا. ...ءقازىر ونىڭ دۇنيە سالعانىنا ون ءتورت عاسىر وتسە دە ونىڭ الەمگە ەتەر ىقپالى وتە زور".