بۇل تۋرالى بۇگىن «وڭتۇستىك اقپارات» باسپا ءسوز ورتالىعىندا ب ا ق وكىلدەرىنە بەرگەن بريفينگتە وبلىستىق ىشكى ساياسات جانە ءدىن ىستەرى باسقارماسىنىڭ باسشىسى بەرىك قۇرمانعالي مالىمدەدى. قازاقستان حالقى اسسامبلەياسىنىڭ 20 جىلدىعىنا «ءبىز سوققان ورتاق ءۇي» تاقىرىبىندا 3D فورماتتا اننيماسيالىق فيلم تۇسىرىلۋدە. فيلم جاستاردى وتاندى سۇيۋگە، مەملەكەتتىك ءتىلدىڭ ناسيحاتتالۋىنا جانە حالىقتار اراسىندا ىنتىماقتاستىق پەن دوستىق بايلانىستى نىعايتۋعا ۇگىتتەيدى. اتالعان ءفيلمدى 1 ماۋسىم ‒ حالىقارالىق بالالاردى قورعاۋ كۇنى جارىققا شىعارۋ جوسپارلانۋدا،‒ دەدى باسقارما باسشىسى. ‒ باسقارمانىڭ نەگىزگى مىندەتتەرىنىڭ ءبىرى ‒ ق ر پرەزيدەنتى ن.نازاربايەۆتىڭ قازاقستان حالقىنا «نۇرلى جول - بولاشاققا باستار جول» جولداۋىن ناسيحاتتاۋ بولىپ تابىلادى. وسى ورايدا اقپاراتتىق-توپتاردىڭ جۇمىسىنا بارلىعى 400 مىڭنان استام ادام قامتىلىپ، بۇقارالىق اقپارات قۇرالدارىندا 800-گە جۋىق ماقالا جارىق كوردى،‒ دەدى ب.قۇرمانعالي. باسقارما باسشىسىنىڭ ايتۋىنشا، جەڭىستىڭ 70 جىلدىعىنا ۇلتتىق ناقىشتى ايقىندايتىن 15 مىڭ دانا جەڭىس لەنتاسىن شىعارىپ، تاراتقان. جەڭىس كۇنى «داڭق» مەموريالىندا وتكەن شارادا «وتىرار» تەلەارناسىمەن بىرلەسە «ماڭگىلىك داڭق» شەرۋىن ۇيىمداستىرعان. سونداي-اق، اتالعان داتاعا وراي باسقارمانىڭ تاپسىرىسىمەن وڭىردەن اتتانعان باتىرلاردىڭ ءومىر جولى مەن سوعىس ارداگەرلەرىنىڭ ەرلىگى باياندالعان قىسقا مەتراجدى «مايدانگەرلەر» ءفيلمى ءتۇسىرىلىپ، كورەرمەنگە ۇسىنىلدى. باسپا ءسوز ءماسليحاتىندا باسقارما باسشىسى الداعى ۋاقىتتا ەل بىرلىگىن نىعايتۋدا وبلىس اكىمى جانىنداعى «ىرىس الدى ‒ ىنتىماق» قوعامدىق فورۋمى، وتباسى قۇندىلىقتاردى ارتتىرۋ ءۇشىن «مەرەيلى وتباسى» ۇلتتىق بايقاۋى جانە ءپاتريوتيزمدى قالىپتاستىرۋ ماقساتىندا «مەنىڭ قازاقستانىم» پاتريوتتار فورۋمى وتكىزىلەتىنىن ايتسا، ءدىنارالىق تاتۋلىقتى ساقتاۋ باعىتىندا رەسپۋبليكالىق سەمينارلار مەن عىلىمي كونفەرەنسيالار جانە بۇقارالىق اقپارات قۇرالدارىمەن رەسپۋبليكالىق سەمينارلار، ونىڭ ىشىندە «ايماقتىق جۋرناليستەر فورۋمىن» وتكىزۋ جوسپارلانعانىن تىلگە تيەك ەتتى. يدەولوگيا سالاسىندا اتقارىلىپ جاتقان جۇمىستار جونىندە كەڭىنەن بايانداعان بەرىك ءۋالي ۇلى بايلانىس جانە اقپارات قىزمەتكەرلەرى كۇنىنە بايلانىستى بۇقارالىق اقپارات قۇرالدارىنداعى ۇزدىك ماقالا مەن بەينەسيۋجەتتەرگە كونكۋرس جاريالاعانىن ايتىپ، سول بايقاۋعا ب ا ق وكىلدەرىن بەلسەنە قاتىسۋعا شاقىردى. بريفينگ سوڭىندا ب.قۇرمانعالي جۋرناليستەر تاراپىنان قويىلعان سۇراقتارعا جاۋاپ بەردى.