قازاقستاندىق كاسىبي بوكسشى گەنناديي گولوۆكين مەكسيكالىق ساۋل الۆارەسپەن بولۋى مۇمكىن ءۇشىنشى جەكپە-جەكتەن باس تارتقانى تۋرالى قاۋەسەتكە نۇكتە قويدى.
"مەن "كانەلومەن" الداعى بولۋى ءتيىس جەكپە-جەكتەن ەشقاشان باس تارتقان ەمەسپىن. مەن ءوزىمنىڭ باس تارتقانىم تۋرالى ەندى عانا ەستىپ وتىرمىن. مەن ءبىزدىڭ جۇدىرىقتاسۋ كەشىمىز بولادى دەپ ۇمىتتەنەمىن"، - دەدى ەكس-چەمپيون.
ەسكە سالا كەتەيىك، ەڭ ءبىرىنشى رەت "كانەلو" مەن GGG 2017 جىلدىڭ قىركۇيەگىندە جۇدىرىقتاسقان. العاشقى كەزدەسۋ تەڭ ناتيجە كورسەتتى. اراعا ءبىر جىل سالىپ ۇيىمداستىرىلعان ريەۆانش جەكپە-جەكتە تورەشىلەردىڭ داۋىسىمەن "كانەلو" جەڭىسكە جەتتى.
ەگەر گولوۆكين 8-ماۋسىمدا ستيۆ روللستى جەڭسە، ال الۆارەس 4-مامىر كۇنى دەنيەل دجەيكوبستان باسىم تۇسسە، قوس شەبەردىڭ ءۇشىنشى جەكپە-جەگى قىركۇيەك ايىندا بولادى دەپ كۇتىلۋدە.
اۋدارعان: ادىلەت مادەنيەت
