وزبەكستان استاناسى تاشكەنتتە ءوتىپ جاتقان ۆەلوسپورتتان ازيا چەمپيوناتىندا قازاقستان قورجىنىنا التىن جۇلدە ءتۇستى دەپ حابارلايدى Qamshy.kz اقپارات اگەنتتىگى Qsport.kz پورتالىنا سىلتەمە جاساپ.

جەكەلەي سىندا قازاقستاندىق شاباندوز ۋليانا سۋحورەبريك جاسوسپىرىمدەر اراسىنداعى باسەكەدە توپ جاردى.

بۇل چەمپيوناتتا كوماندالىق سىندا قازاقستان قۇراماسى كۇمىس جۇلدەنى جەڭىپ العان بولاتىن. يۋريي ناتاروۆ، ارتەم زاحاروۆ، دميتريي گرۋزديەۆ، ەۆگەنيي گيديچ، جاندوس بيجىگىتوۆ جانە دانييل فومينىح. 

سونداي-اق، قازاقستان قىزدار كومانداسى قۇرلىق دوداسىنىڭ كۇمىس جۇلدەگەرى اتاندى. قازاقستان نامىسىن ناتاليا سايفۋتدينوۆا، اميليا يسكاكوۆا، فاينا پوتاپوۆا، ماحاببات ءۇمىتجانوۆا، ۆيكتوريا پاستارناك جانە جانەركە ساناقبايەۆا قورعادى. قىزدارىمىز وڭتۇستىك كورەياعا ەسە جىبەرىپ، گونكونگ سپورتشىلارىنان وزىپ كەتتى. 

ۇسىنعان: ماقپال سەمباي