تەڭگە لاتىن قارپىمەن اينالىمعا شىقتى دەپ حابارلايدى Qamshy.kz اقپارات اگەنتتىگى ktk.kz تەلەارناسىنا سىلتەمە جاساپ. 

ۇلتتىق بانك تانىستىرعان مونەتالاردىڭ بەتىندەگى «تەڭگە» جانە «قازاقستان رەسپبۋليكاسى» ءسوزى لاتىن قارپىمەن جازىلعان. تەمىر اقشانىڭ ەكىنشى بەتىندەگى ەلتاڭباداعى «قازاقستان» جازۋى دا جاڭا ۇلگىگە سايكەس بەدەرلەنگەن. مەتالدىڭ قۇرامى، سالماعى مەن كولەمىندە ەشقانداي وزگەرىس جوق. ال، ەسكى جانە جاڭا تەڭگەنىڭ بىردەي قولدانىستا بولاتىنىن ايتقان ماماندار، بارلىق تولەم تۇرلەرى بويىنشا قابىلداۋعا مىندەتتى دەيدى.  

توعجان ابىشيەۆا، ۇلتتىق بانكتىڭ قولما-قول اقشامەن جۇمىس جۇرگىزۋ باسقارماسىنىڭ باستىعى: - جاڭا مونەتالار بىرتە-بىرتە اينالىمعا ەنەدى. ەسكىسى دە، لاتىن ءقارپى جازىلعانى دا زاڭدى تولەم قۇرالى سانالعاندىقتان قولدانۋعا شەكتەۋ بولمايدى. مونەتالاردى تولەم تەرمينالدارى، مونەتا قابىلداعىشتار مەن پاركاماتتارعا سالعاندا قيىندىق تۋمايدى.

ۇسىنعان: ماقپال سەمباي