يندونەزياداعى پرەزيدەنت جانە پارلامەنتتىڭ ەكى پالاتاسىنىڭ دەپۋتاتتارىن سايلاۋ ناۋقانىندا جۇمىس جاساۋ بارىسىندا زورىعىپ دۇنيەدەن وتكەندەردىڭ سانى 272 ادامعا جەتىپ، 1800 ادام اۋرۋحاناعا جەتكىزىلگەن. بۇل تۋرالى يندونەزيانىڭ ورتالىق سايلاۋ كوميسسياسى مالىمدەگەن.
يندونەزياداعى سايلاۋ 17ء-ساۋىر كۇنى ءوتتى. پرەزيدەنتتى، پارلمەنتتىڭ قوس پالاتاسىنىڭ دەپۋتاتتارىن جانە جەرگىلىكتى باسقارۋشىلاردى تاڭداۋ بارىسىندا ەكى مىڭنان استام ادام زارداپ شەككەن.
بۇل سايلاۋ الەمدەگى ەڭ كولەمدى تۇردە وتكەن ساياسي ناۋقان رەتىندە تاريحتا قالدى.
بارلىق كانديداتتاردىڭ سانى 240 مىڭ ادامدى قۇراعان. سايلاۋعا قاتىسۋ مۇمكىندىگى بار ادامداردىڭ سانى – 193 ميلليون. ونىڭ 80 پايىزى ناۋقانعا بەلسەندى قاتىسقان.
ۇسىنعان: ادىلەت مادەنيەت
