بۇل بۇرىن بولعان وقيعا ەكەن. بالكي، ەستىپ، وقىعان دا شىعارسىز. جەلىسى، مازمۇنى ءبىر، تەك جەتكىزىلۋى ءارتۇرلى. ەندەشە، قۇدىرەتى كۇشتى اللانىڭ قۇدىرەتىن دالەلدەيتىن كوپ مىسالدىڭ ءبىرىن نازارلارىڭىزعا ۇسىنامىن.

سوناۋ امەريكادا ەكى ايەل ءبىر ۋاقىتتا قاتار بوسانعان ەكەن. بىرەۋى ۇلدى، ەكىنشىسى قىزدى بولىپتى. مەدبيكەلەردىڭ جاۋاپسىزدىعىنان ەكى نارەستەنى اۋىستىرىپ الىپتى. ءسويتىپ، ەكى ايەلدىڭ اراسىندا داۋ پايدا بولىپ، ەكەۋى دە "مەن تۋدىم" دەپ ۇلعا جارماسا بەرىپتى. مىنا عاجاپقا قاراڭىز! ءتىپتى دنق اناليزدەرىنىڭ دە بىر-بىرىنە قاتتى ۇقساس بولعانى سونداي، ايىرىپ بەرە المايدى. قاي بالانىڭ كىمدىكى ەكەنىن اجىراتا الماي ابىرجىعان دارىگەرلەر بۇل جاعدايدى باسشىلىققا ايتادى. ال باسشىلىقتا وتىرعان دارىگەر "بۇل ماسەلەنىڭ شەشىمىن ءبىر بىلسە مۇسىلماندار بىلەر" دەپ، ساۋد ارابياسىنداعى ءبىر مۇسىلمان عالىمىنا تەلەفون شالادى.

ەكەۋىنىڭ اراسىنداعى اڭگىمە بىلاي ءوربىپتى:

امەريكاندىق: سىزدەر دىندەرىڭىزدە بارلىق ماسەلەلەر مەن سۇراقتارعا جاۋاپ بار ەكەنىن ءجيى ايتاسىزدار عوي. ءالى دە سول ويلارىڭىزداسىزدار ما؟

مۇسىلمان عالىمى: ءيا، سولاي ويلايمىز.
سوندا امەريكاندىق وعان جاعدايدى تۇسىندىرەدى. ال عالىم بۇل ماسەلەنىڭ شەشىمىنىڭ ءتىپتى وڭاي ەكەنىن ايتىپ: "ەكى ايەلدىڭ دە ومىراۋ ءسۇتىن تەكسەرىڭىزدەر، قايسىنىڭ ءسۇتىنىڭ قۇنارلىعى جوعارىراق بولسا، ۇل بالانى سول بوسانعان"، - دەپ جاۋاپ بەرىپتى.

دارىگەر عالىمنىڭ ايتقانىنداي ىستەپ، ەكى انانىڭ دا ءسۇتىن تەكسەرتىپ، ۇلدىڭ اناسىن انىقتاپ بەرەدى. سوسىن مۇسىلمان عالىمىنان: "ۇل بالانىڭ تۋعان ايەلدىڭ ءسۇتىنىڭ قۇنارلىراق بولاتىنىن قايدان ءبىلدىڭىز؟" - دەپ سۇرايدى تاڭ-تاماشا بولىپ.

عالىم: "بۇعان جاۋاپ قۇراندا جازىلعان. اللا تاعالا نيسا سۇرەسىنىڭ 11-اياتىندا "...ءبىر ەركەككە ەكى ايەلدىڭ ميراسىنداي ۇلەس بۇيىرادى"، - دەگەن. ياعني، ەر ادامنىڭ ۇلەسى ايەلدىكىنەن ەكى ەسەگە كوبىرەك" - دەگەن كورىنەدى.

بۇكىل سۇراقتىڭ شەشىمىن قۇرانعا جاسىرىپ، ول ارقىلى مۇسىلمانداردىڭ دارەجەسىن جوعارى ەتكەن اللا تاعالاعا ماقتاۋ بولسىن!

ۇسىنعان: ماقپال سەمباي