الداعى كەزەكتەن تىس پرەزيدەنت سايلاۋىنا قوعامدىق مونيتورينگ جۇرگىزىلمەك. بۇل مىندەتتى اتقارىپ شىعۋ جاڭادان قۇرىلعان "امانات" ازاماتتىق پلاتفورماسىنا تاپسىرىلدى.

ءتۇرلى قوعامدىق ۇيىمدار مەن قوزعالىستاردىڭ مۇشەلەرىنىڭ باسىن بىرىكتىرگەن توپ ساياسي ناۋقانعا بارىنشا بەلسەنە قاتىسۋعا بەل بۋىپ وتىر.

"امانات" ازاماتتىق پلاتفورماسى ناۋقان كەزىندە 10 مىڭنان استام قىزمەتكەرمەن جۇمىس جاساۋعا بەل بۋىپ وتىر. وسىلايشا اتالمىش ازاماتتىق پلاتفورما سايلاۋ كەزىندە ءار ۋچاسكەگە ءبىر وكىل جىبەرۋگە قاۋقارلى ەكەنىن تانىتتى.

بۇل – ازاماتتىق ۇيىمنىڭ ءبىر عانا مىندەتى.

سونىمەن قاتار، ولار الەۋمەتتىك جەلىدە داۋىس بەرۋشىلەردى دايىنداۋ، ولاردى ۋاقىتىلى اقپاراتتانىدىرىپ وتىرۋ سياقتى جاۋاپكەرشىلىكتەردى دە وزدەرىنە جۇكتەپ وتىر.

"قازىرگى ناۋقاندا ستۋدەنتتەردىڭ جاعدايى قالاي بولماق؟ ولار وسى ۋاقىتقا تۇسپا-تۇس ەمتيحان تاپسىرادى. داۋىستى تۇرعىلىقتى مەكەن-جايىنان بەرەدى مە ءالدى وقۋ ورىنى ورنالاسقان قالادان با؟ وسىنىڭ ءبارىن ناقتىلاۋ قاجەت. سونىمەن قاتار، سايلاۋ شەكارالارى قاتتى اۋىسىپ جاتىر. شەتەلدەگى قانداستاردىڭ داۋىس بەرۋگە دەگەن دايىندىعى قانشالىقتى جەتكىلىكتى دەڭگەيدە؟" - دەپ پىكىر ءبىلدىردى مۇرات ابەنوۆ.

الداعى سايلاۋ ناۋقانىنا دايىندىقتى نىعايتۋ "اماناتقا»"جۇكتەلدى. ال اتالعان ازاماتتىق پلاتفورما بولسا، اماناتقا قيانات جاساماۋعا ءازىر.

ۇسىنعان: ادىلەت مادەنيەت