ارال اۋدانىندا اقىن، جازۋشى مەشىتباي قۇتتىقوۆتىڭ 85 جىلدىعىنا ارنالعان «ارالدى ءسۇيۋ كەرەك قايتقاندا دا» اتتى ادەبي-اۋەندى كەش ءوتتى دەپ جازادى Qamshy.kz اقپارات اگەنتتىگى kyzylorda-news.kz سايتىنىڭ دەرەگىن نەگىزگە الىپ.
ادەبيەت جانرىنىڭ بارلىق تۇرىنە قالام تەربەگەن اقىننىڭ شىعارماشىلىعىنا ارنالعان شارانىڭ شىمىلدىعى اقىننىڭ ءومىر ەستەلىكتەرىمەن ءتۇرىلدى. ودان ءارى ادەبي كەشكە قاتىسقان اۋدان اكىمىنىڭ ورىنباسارى بەكتەمىر جۇماعۇلوۆ اقىننىڭ تۇلعالىق كەلبەتىنە، شىعارماشىلىق جولىنا توقتالا كەلە اقىننىڭ ۇرپاقتارىنا ىزگى لەبىزىن ءبىلدىردى.
سونىمەن قاتار، كەش بارىسىندا قالامگەردىڭ رۋحاني ىنىلەرى اتانىپ كەتكەن انەس اۋەزوۆ پەن جۇماباي جاقىپتار دا اقىننىڭ سانالى عۇمىرىندا جاساعان ەرەن ەڭبەكتەرىن ورتاعا سالىپ، ەستەلىكتەرىمەن ءبولىستى. سونداي-اق، مەشىتباي قۇتتىقوۆتىڭ شىعارمالارىن مەكتەپ قابىرعاسىندا كەڭىنەن ناسيحاتتاۋ قاجەت ەكەندىگىن تىلگە تيەك ەتتى. اقىن مەشىتباي قۇتتىقوۆتى ەسكە الۋعا ارنالعان كەش سوڭى كونسەرتكە ۇلاستى.
ۇسىنعان: اسەل بولات قىزى
پىكىر قالدىرۋ