پرەزيدەنت قاسىم-جومارت توقايەۆ 13 مامىردا ىس-ساپارمەن ورال قالاسىندا بولدى. ساپار بارىسىندا توقايەۆتىڭ ۇستەل تەننيسىن ويناپ جاتقان بەينەجازباسىن پرەزيدەنتتىڭ ءباسپاسوز-حاتشىسى بەرىك ءۋالي ءوزىنىڭ Instagram پاراقشاسىندا جاريالادى دەپ حابارلايدى Qamshy.kz اقپارات اگەنتتىگى.
پرەزيدەنت جۇمىس بارىسىمەن باتىس قازاقستان وبلىسىنىڭ ءبىرقاتار نىساندارىن ارالاپ، ءوڭىر تۇرعىندارىمەن كەزدەستى. سونىمەن قاتار، ورال قالاسىنىڭ اقپاراتتىق تەحنولوگيالار كوللەدجىندە دە بولدى. جەلىدە تاراعان بەينەجازبادا پرەزيدەنت كوللەدج ستۋدەنتتەرىمەن ۇستەل تەننيسىن ويناپ جاتىر.
بەلگىلى بولعانداي، قاسىم-جومارت توقايەۆ ۇستەل تەننيسىمەن بەلسەندى اينالىسىپ، «سپورت شەبەرىنە ۇمىتكەر» اتاعىن دا العان. ەستەرىڭىزگە سالا كەتەيىك، ول ەكى جىل قاتارىنان قازاقستاننىڭ ۇستەل تەننيسى فەدەراسياسىن باسقارعان.
ۇسىنعان: مارجان سابەت
پىكىر قالدىرۋ