الياسكاداعى كەچيكان قالاسىندا ەكى گيدروۇشاقتىڭ قاقتىعىسىنان 10 ادام جاراقات الىپ، 6 ادام ءىز-تۇسسىز جوعالىپ كەتتى، دەپ حابارلايدى Qamshy.kz اقپارات اگەنتتىگى «ينتەرفاكس» سايتىنا سىلتەمە جاساپ.
اقش فەدەرالدىق اۆياسيا باسقارۋ ورتالىعىنىڭ باسپا ءسوز قىزمەتىنىڭ وكىلى اللەن كەنيتسەردىڭ مالىمدەۋىنشە، ەكى ۇشاق بەلگىسىز جاعدايدا قاقتىعىستى.
ناتيجەسىندە de Havilland Otter DHC-3 ۇشاعىنىڭ 10 جولاۋشىسى كەچيكان قالاسىنداعى اۋرۋحاناعا جەتكىزىلدى. ءبىر ناۋقاستىڭ جاعدايى اۋىر. تاعى ءبىر ادام ءىز-تۇسسىز جوعالىپ كەتتى.
DHC-2 Beaver ۇشاعىندا 5 ادام بولعان. ولاردىڭ ءبارى ءىز-تۇسسىز جوعالىپ كەتكەن دەپ ەسەپتەلۋدە.
اقش فەدەرالدىق اۆياسيا باسقارۋ ورتالىعى مەن ۇلتتىق قاۋىپسىزدىك كەڭەسى وقيعا بويىنشا جۇمىس ىستەۋدە.
اۋدارعان: يلدار اديلچەنوۆ
پىكىر قالدىرۋ