قازاقستان توپتىق كەزەڭنىڭ العاشقى تۋرىندا كورشى قىرعىز ەلىنىڭ ارتىستەرىمەن كەزدەستى. بۇل ويىن 2:2 ەسەبىمەن تەڭ اياقتالدى. ەندى بۇگىن وڭتۇستىك كورەيا جۇلدىزدارىمەن كەزدەسەدى.

قازاقستان قۇراماسىنىڭ قاقپاسىن بۇرىن ءوزى دە كاسىبي فۋتبولشى بولعان ابدۋلكاريم كاريموۆ كۇزەتۋدە. سونداي-اق كەز كەلگەن ۋاقىتتا ونى الماستىرۋعا RIN’GO توبىنىڭ ءانشىسى باتىر باينازاروۆ پەن «تارتۋ» مۇشەسى رايىم تىنىقوۆ دايىن.

قورعانىس شەبىندە ەرلان ءالىموۆ، مەلس ساعات ۇلى، اباي جاڭساربايەۆ، مەدەت كوجەكبايەۆ، عادىلبەك جاناي، قازبەك قوجاحمەتوۆ، كەنجەبەك ءجانابىلوۆ، ارمان قونىربايەۆ ەۆگەنيي گارتۋنگ ونەر كورسەتەدى.

جارتىلاي قورعانىستا سۇلتان كۇنتۋعان، عالىمجان ارىستانبەك ۇلى، ايان بورىبايەۆ، جۇبانىش جەكسەن ۇلى، ءادىلجان وماروۆ، داۋرەن سەيىتجان، تاۋەكەل ءمۇسىلىم، ادىلبەك ساربايەۆ، يلياس حاروۆ بار.

شابۋىل شەبىن كوماندا كاپيتانى مۇقاسان شاحزادايەۆ نۇرلان قونىسبايەۆ، رىسبەك اتاشيەۆ، ساكەن مايعازييەۆ، مەيرامبەك بەسپايەۆ دانيار وتەگەن ۆالەريي يابلوچكين قۇرايدى.

العاشقى ويىنعا «مۋزارت» توبىنىڭ مۇشەلەرى ساكەن مايعازييەۆ، مەيرامبەك بەسپايەۆ جانە نۇرجان كەرمەنبايەۆ سياقتى تانىمال انشىلەر قاتىسا المادى. ەندى، ولار بۇگىن وڭتۇستىك كورەيامەن بولاتىن ويىندا الاڭعا شىعادى دەپ كۇتىلۋدە.

الەم چەمپيوناتىنا جالپى سانى 16 كوماندا قاتىسىپ جاتىر.

ا توبى: رۋمىنيا، نيدەرلاندى، سلوۆاكيا، ۇلىبريتانيا. B توبى: قىرعىزستان، گەرمانيا، قازاقستان، وڭتۇستىك كورەيا س توبى: رەسەي، يتاليا، ەستونيا، سلوۆەنيا. D توبى: يزرايل، بەلورۋسسيا، تۇركيا، جاپونيا.

بۇل ماچتاردى رەسەيدىڭ «ناش فۋتبول» ارناسى تىكەلەي ەفيردەن كورسەتىپ جاتىر. سونداي-اق قازاقستاننىڭ «جەتىنشى ارناسى» قايتالاۋىن كورسەتەدى.

ايتا كەتەيىك، جۇلدىزدار اراسىنداعى الەم چەمپيوناتى وسىمەن بەسىنشى رەت ۇيىمداستىرىلىپ جاتىر. بۇل جارىستا ارتىستەر فۋتبول ويناۋمەن شەكتەلىپ قالمايدى. قايىرىمدىلىق شارالرى ۇيىمداستىرىلادى. قولدارى بوس كەزدە ءار ءتۇرلى كونسەرتتىك شارالارعا قاتىسادى. ودان تۇسكەن قاراجات ناۋقاس بالالاردى ەمدەۋگە جۇمسالادى.

baq.kz