وسى تىزىمدەگى نارسەلەردى ازداعان كولەمدە، ءبىراق كۇن سايىن جاساڭىز. قال-احۋالىڭىز بەن كوڭىل كۇيىڭىزدىڭ وزگەرگەنىن كورىپ تاڭ قالاسىز!
- سەزىمدەرىڭىزدى ءبىلدىرىڭىز.
سۇيىكتىڭىزدى قۇشاقتاپ، جۇرەك شىمىرلاتاتىنداي سمس-حابارلاما جازىڭىز، كىشىگىرىم توسىنسىي ازىرلەڭىز. جاقىن ادامىڭىزعا تيتتەي دە بولسا، كوڭىل ءبولۋدىڭ ءوزى ونى قۋانتىپ قانا قويماي، ءوزىڭىزدىڭ رۋحاني كۇيىڭىزدى دە رەتتەيدڭ. بۇل 120 جۇپ اراسىندا زەرتتەۋ جۇرگىزگەن شۆەيساريا عالىمدارىنىڭ پىكىرى.
- ۇيقىنى جاقسىلاپ قاندىرىڭىز.
ويتكەنى از ۇيقتاۋ يممۋنيتەتتى ءتۇسىرىپ، گيپەرتونيا، سۋسامىر دەرتى، جۇرەك اۋرۋلارىنىڭ ءورشۋ ءقاۋىپىن تۋدىرادى. سوندىقتان دا ۇيقىعا ءمان بەرىڭىز.
جاتىن بولمەدە تەلەديدار بولماسىن، ۇيقىعا جاتار الدىندا تەلەديدار كورۋ – تىنىشسىزدىققا سوقتىرىپ، كوز ءىلۋدى قيىنداتادى.
تۇتاستاي قاراڭعى بولمەدە ۇيقتاڭىز.
- وزەك.
وزەكتى (وسىمدىك جاسۋشالارىنىڭ ۇلپا قابىعى قۇرالاتىن زات) كوپ جەڭىز. بۇل قان قۇرامىنداعى حولەستەرين مولشەرىن كەمىتۋدىڭ، جۇرەك قانتامىرلارى اۋرۋلارى مەن ديابەتتى بولدىرماۋدىڭ، سونداي-اق، سالماقتى قالىپتا ۇستاۋدىڭ ەڭ جەڭىل ءتۇرى. اق ۇننان ازىرلەنگەن: كەسپەنى، كۇرىشتى، ناندى قاتتى بيداي سورتىنان جاسالعان تاعام تۇرىنە اۋىستىرىڭىز. ءىرى ءداندى داقىلدار، استىق تۇقىمداستار، بۇرشاق، جاڭعاۇتى پايدالانىڭىز، جەمىس-جيدەك پەن كوكونىستى كوپ جەڭىز. از ۋاقىتتا ءسىز دەنەڭىزدىڭ كۇشتى، دەنىڭىزدىڭ ساۋ بولعانىن بايقايسىز.
- كوزىڭىزدى ساقتاڭىز.
جەمىس-جيدەك پەن كوكونىستىڭ كۇندەلىكتى ءۇش پورسياسى (1 پورسيا – 1 8لكەن الما6 1 اپەلسين، 200 گ كوكونىس) كاتاراكتانى بولدىرماۋدىڭ العىشارتى. اس مازىرىنە مايلى بالىقتى قوسىڭىز – سوندا ءسىز كوز اۋرۋلارىنىڭ ءورشۋ ءقاۋىپىن 4 ەسەگە كەمىتەسىز!
- ومىرتقاڭىزدى ساقتاڭىز.
جۇمىس ورنىندا ۇزاق وتىراتىن ادامداردىڭ بارلىڭى دا، ەرتە مە، كەش پە ايتەۋىر ءبىر ارقاسىنىڭ اۋىرعانىن بايقاي باستايدى. بۇل ومىرتقاعا زاقىم كەلگەندىگىن بىلدىرەتىن دابىل. ارقا بۇلشىقەتتەرىن نىعايتۋدىڭ بىرنەشە قاراپايىم جاتتىعۋلارىن ءجيى جاساپ تۇرساڭىز (كۇنىنە 3 رەت، اپتاسىنا 5 كۇن) ءبىر نەمەسە جارتى ايدان كەيىن-اق جەڭىلدىكتى سەزىنەسىز.
- جامباس بۇلشىقەتتەرىن كۇشەيتىڭىز.
مۇنى كۇندەلىكتى جۋىنۋ مەن ءتىس شايۋ ءتارىزدى داعدىعا اينالدىرىڭىز. ەگەر ۇدايى جاساپ تۇرساڭىز ءۇش ايدىڭ ىشىندە وزگەرىستى سەزىنەسىز.
- ءجيى سەرۋەندەڭىز.
بۇل تەك جۇرەككە عانا پايدالى ەمەس، ارتىق سالماقتان ارىلۋعا دا كومەكتەسەدى. الدىمەن ادىم ولشەۋىشپەن كۇنىنە قانشا قادام باساتىنىڭىزدى انىقتاپ الىڭىز. بۇعان قوسىمشا بىرنەشە كۇن بويى 1500 ادامدى قوسىپ وتىرىڭىز. سودان كەيىن بۇل كورسەتكىشكە اپتاسىنا 500 ادىم قوساسىز. وسىلايشا تەز ارادا سالماق تاستايسىز. ىسكە ءسات!
ايسۇلۋ تۇرسىنبايەۆا
