وقىرمانداردىڭ ءجيى قوياتىن ساۋالدارىنىڭ ءبىرى: «اياق كيىم مەن سومكەنىڭ شوشقا تەرىسىنەن جاسالعاندىعىن قالاي انىقتايمىز؟» مۇسىلمان ادامعا زاتتىڭ قانداي ماتەريالدان جاسالعانىن ءبىلۋ وتە ماڭىزدى.

سونىمەن، شوشقا تەرىسى. ءسان وندىرىسىندە اشەكەيلەردى جاساۋدا ماسەلەن اياق كيىم، بەلبەۋ جانە سومكەلەر تاعى باسقا كوپتەگەن ساندىك بۇيىمداردى دايارلاۋدا شوشقانىڭ تەرىسىن پايدالانادى، سەبەبى ول ارزان، ال ونىڭ ارزاندىعى زاتتىڭ قۇنىن دا ءبىرشاما تۇسىرەدى، شوشقانىڭ تەرىسىن يلەۋ جەڭىل مە، الدە ونىڭ تەرىسى قول جەتىمدى مە ايتەۋىر، مۇنىڭ نەمەن بايلانىستى ەكەنىن بىلمەيمىن.

وسى ماقالادان مۇسىلماندار وزدەرىنە پايدا الىپ، قانداي زاتتىڭ نەدەن جاسالعانىن اجىراتا الاتىن بولار دەپ ۇمىتتەمىن. شىنايى ومىردە وزىنە ءتان بەلگىلەرىنە جانە دە قۇرىلىمىنا قاراپ شوشقانىڭ تەرىسىن اجىراتا الامىن. اڭگىمە ينتەرنەت- دۇكەن جايلى بولىپ جاتقاندىقتان شوشقانىڭ تەرسىن وزگە تەرىدەن اجىراتا الاتىن قاراپايىم ءتاسىل بار.

1. فيزيكالىق ەرەكشەلىگى. شوشقا تەرىسىنىڭ ەڭ باستى بەلگىسى – بۇل تەرىنىڭ ۇستىندە ءۇش نۇكتەلى ايشىقتىڭ بولۋى. جاقسىلاپ قاراساڭىزدار، ءۇش نۇكتەلى ايشىقتىڭ ءارتۇرىن كورە الاسىزدار، ءبىراق ولارعا ورتاق بەلگى بار: ءۇش نۇكتە ءبىر- بىرىنە جاقىن ورنالاسقان. مەن ولاردى ميككي ماۋس دەپ اتايمىن، سەبەبى... ۇقساس ەمەس پە؟

تاعى ءبىر بەلگىسى – تەسىكتەرى بەت جاعىندا انىق كورىنىپ تۇرادى. شوشقانىڭ تەرىسىنەن تەسىكتەردى تەز بايقاۋعا بولادى. كەيبىر ءونىم شىعارۋشىلار بارىنشا ول تەسىكتەردى بىلدىرتپەۋگە تىرىسادى. الايدا مەيىرىمدى اللا تاعالانىڭ قالاۋىمەن دۇرىس ەمەس نارسە تولىق جاسىرىنا المايدى. سونىمەن، شوشقانىڭ تەرىسىن سۋرەتتەن قالاي تانۋعا بولادى؟ وتە وڭاي. سىزدەر ونى تەز اڭعاراسىزدار. مىسالى، مىنا ۇلتاراق انىق شوشقا تەرىسىنەن جاسالعان.

ەگەر سىزدەر قاعازىنان شوشقانىڭ تەرىسى ەمەس دەگەن جازۋدى وقىعان بولساڭىز، اياق كيىمنىڭ جان تەرىسىنە قاراڭىز. سەبەبى كەيبىر ءونىم شىعارۋشىلار زاتتىڭ باعاسىن ارزانداتۋ ءۇشىن اياق كيىمنىڭ جان تەرىسىن شوشقانىڭ تەرىسىنەن جاسايدى. تومەندە بىرنەشە مىسالى كورسەتىلگەن: تەرىنىڭ شوشقانىڭ تەرىسى ەمەس ەكەنىن قالاي بىلۋگە بولادى؟ وزگە جانۋارلاردىڭ تەرىسى قالاي بولاتىنىن ەستەرىڭىزگە ساقتاپ الىڭىزدار جاس سيىردىڭ تەرىسى ۇلكەن بۇقانىڭ تەرىسىنە قاراعاندا جۇمساق ءارى تەگىس بولادى. تەرىنىڭ بەتى ءبىر تەگىس بولادى. قويدىڭ تەرىسىندە كىشكەنتاي تەسىكتەر بايقالادى. ءبىراق ولار شوشقانىكىندەي ءۇش نۇكتە بولىپ توپتالىپ تۇرمايدى. جوعارىداعى Asos- تىڭ ونىمىنە قاراڭىزدار. ەنەكەنىڭ (بۋيۆول) تەرىسى ۇلكەن بۇقانىڭ تەرىسىنە ۇقسايدى. ءبىراق كىشكەنە كەدىر- بۇدىرلى ءارى سومكە جاساۋعا اۋىر. ال بۇزاۋدىڭ تەرىسى شوشقا مەن قويدىكى سەكىلدى ەمەس، ونىڭ تەسىكتەرى كورىنبەيدى. مارالدىڭ تەرىسى جاس بۇزاۋدىڭ تەرىسىنە ۇقساس، ونىڭ دا تەسىگى كورىنبەيدى جانە كەدىر- بۇدىرسىز. قولمەن ۇستاپ قاراعان كەزدە ونى وزگە تەرىلەردەن تەز اجىراتۋعا بولادى. تۇيەقۇستىڭ تەرىسىن تانۋ وڭاي. ونىڭ تەسىكتەرى قاتتى بىلىنەدى، ولار جول- جول بولىپ انىق كورىنىپ تۇرادى. وسى جاعىنان ول شوشقا تەرىسىنە قاتتى ۇقسايدى، ءبىراق تۇيەقۇستىڭ تەرىسىندەگى تەسىكتەر ۇشەۋ ەمەس، جالعىزدان تۇرادى. بۇزاۋ تەرىسىنەن جاسالعان ۇلتاراقتىڭ ءۇلىسى: مىنانداي تەرىنى كورگەن سوڭ، شوشقانىكى مە الدە تەگىستەلگەن بۇزاۋ تەرىسى مە دەگەن كۇمان تۋادى. الايدا انىقتاپ قارار بولسا، بۇل تەرىنىڭ شوشقانىكى ەكەندىگىن كورۋگە بولادى. 2. ءيىسى. ءيىستى سوزبەن ايتىپ جەتكىزۋ مۇمكىن ەمەس. ايتارىم، شوشقا تەرىسىنىڭ ءيىسى وتكىر بولىپ كەلەدى. ال بۇزاۋدىكىن قۇشىرلىعا جاتقىزۋعا بولادى. بىردە ينتەرنەتتەن باتەڭكە ساتىپ العان ەدىم. سۋرەتىنە قاراپ شوشقانىڭ تەرىسىنەن ەمەس دەپ سەنىمدى بولدىم. سۋرەتتە جان تەرىسىنىڭ سۋرەتى بولماعان ەدى. تاپسىرىسىم كەلگەن سوڭ اشىپ قارادىم، سول كەزدە تانىس ءيىس – شوشقا تەرىسىنىڭ ءيىسى مۇرنىما كەلدى. ءبىراق قاي جەرىندە شوشقا تەرىسى بولۋى مۇمكىن دەپ قاراستىرسام، جان تەرىسى شوشقانىكى بولىپ شىقتى. 3. باعاسى. تاۋاردىڭ شوشقانىڭ تەرىسىنەن جاسالعانىن انىقتاۋعا بولاتىن تاعى ءبىر جول (اسىرەسە ينتەرنەت- دۇكەننەن) – باعاسىنا قاراۋ. ارزان اياق كيىمنىڭ ۇلتاراعى شوشقانىڭ تەرىسىنەن جاسالادى، سوندىقتان دا ونىڭ باعاسى ارزان بولىپ كەلەدى. ساندەگى اياق كيىمدەردى المايمىن، سەبەبى ولاردىڭ ۇلتاراقتارى تۇگەلدەي شوشقانىڭ تەرىسىنەن جاسالادى. مەن مۇنى سەنىمدى تۇردە ايتا الامىن. ويتكەنى سولاردىڭ اياق كيىمىن لوندوننىڭ دۇكەندەرىندە ءوزىم كورگەم. ولار مىنا ماركالار: - Kurt Geiger (اسىرەسە ارزان ءتۇرى) - Hudson. - Swear. - ورتا قول دۇكەندەرى، مىسالى: Topman، River Island، New Look. - H&M- دا كەي كەزدەرى شوشقانىڭ ۇلتاراعىن سالسا، كەيدە سينتەتيكالىق ۇلتاراق سالادى. - Asos- تىڭ كوپ اياق كيىمى. - Nike- ءتىڭ كوپ اياق كيىمى. Gucci، Prada، Fendi ماركالارىنا كەلەر بولساق، ولار بۇزاۋ تەرىسىن پايدالانادى دەپ سەنىممەن ايتا الامىن. سوندىقتان دا ولار قىمبات تۇرادى. ەڭ باستىسى – ساتىپ الار الدىندا تەكسەرىڭىزدەر. تەرىنىڭ شوشقانىكى ەمەستىگىنە كوز جەتكىزىڭىزدەر. ءتىپتى Gucci نەمەسە Fendi فيرماسىنان دا شوشقانىڭ تەرىسىنەن جاسالعان بۇيىم شىعۋى مۇمكىن. ايتا كەتۋ كەرەك، Gucci-دان ايەلدەرگە ارنالعان سومكەلەر شىققانى اشىق جاريالانعان. ەگەر كۇماندانىپ تۇرساڭىزدار، ساتىپ الماڭىزدار. مۇسىلمان رەتىندە مەن ەش ۋاقىتتا دا شوشقا تەرىسىنەن جاسالعان بۇيىم ساتىپ المايمىن.   قايناركوز: zabigfatblog.blogspot.com اعىلشىن تىلىنەن اۋدارعان: ماليكا ۋمم ياحيا Bnews.kz