كەشە ىشكى ىستەر مينيسترلىگى كوشى-قون پوليسياسى دەپارتامەنتىنەن قۋانىشتى حابار كەلدى. قازاقستان رەسپۋبليكاسى ىشكى ىستەر مينيسترلىگىنىڭ  2015 جىل 7-ساۋىردەگى №315 قاۋلىسىمەن قازاقستان رەسپۋبليكاسى ۇكىمەتىنىڭ 2014 جىلعى 19 اقپانداعى №111 قاۋلىسىنا ساي شەتەلدiكتەر مەن ازاماتتىعى جوق ادامداردى تiركەۋ جانە ولارعا قازاقستان رەسپۋبليكاسىندا تۇراقتى تۇرۋعا رۇقسات بەرۋدە 2012 جىلدان بەرى (بۇرىنعى №362 قاۋلى) تالاپ ەتىلىپ كەلگەن «ونىڭ ازاماتتىعى مەملەكەتىنىڭ جازباشا كەلىسىمى رەتiندە بولۋى مۇمكiن كەتۋ پاراعى نە شەتەلگە تۇراقتى تۇرۋ ءۇشiن شىعۋعا رۇقساتتى راستايتىن باسقا قۇجات» كۇشىنەن قالدىرىلىپتى.

وكىنەرلىگى، بۇل قۇجاتتىڭ ەشقەنداي زاڭدىق نەگىزى بولماستان قاۋلىعا ەنىپ كەتكەندىگى! ءسويتىپ، قازاق كوشىنىڭ قادامىن توقتاتۋعا ۇرىندىردى.

وسى «شىعۋ پاراعى» مەن «ازاماتتىعى تيەسىلى جانە (نەمەسە) تۇراقتى تۇراتىن مەملەكەتىندەگى سوتتىلىعى (سوتتىلىعىنىڭ جوقتىعى) تۋرالى قۇجات» تۋرالى ماسەلە باق-تا كوپ جازىلدى. كەدەرگىنى الىپ تاستاۋ جونىندە قازاقستان رەسپۋبليكاسى پارلانمەنتى سەناتىنىڭ مۇرات باقتيار ۇلى، قۋانىش ايتاحانوۆ، نۇرلان ورازالين، جابال ەرعالييەۆ باستاعان دەپۋتاتتارى ۇكىمەت باسى ك.ءماسىموۆتىڭ اتىنا حات جازعان بولاتىن.

ادەتتە ۇكىمەت قاۋلىلارى باسپاسوزدە جارىق كورگەن سوڭ 10 كۇننەن كەيىن قولدانىسقا ەنىپ اتقارىلا باستايدى. ال، اتالمىش قۇجاتتى كۇشىنەن قالدىرۋ تۋرالى بۇيىرىقتى كوشى-قون پوليسياسى دەپارتامەنتى 3-ماۋسىمدا «ەگەمەن قازاقستان» گازەتىنە، 5-ماۋسىمدا «كازاحستانسكايا پراۆدا» گازەتىنە جىبەرىپتى (تىركەتكەن نومەرلەرى: №963 جانە № 08 – 36 – 825).

اۋىت مۇقيبەك