جازدىڭ ەڭ ءبىر قىزىق كەزەڭى – لاگەردەگى كەز بولسا كەرەك. جاڭا دوستار تاباسىڭ، بىرگە ءجۇرىپ، بىرگە كۇلەسىڭ. جازعى ماۋسىمدى ءتيىمدى ءارى قىزىقتى وتكىزەسىڭ. مىنە، وقو ماقتارالدىق لاگەر تۇرعىندارى اراسىندا دا وسىنداي اتموسفەرا قالىپتاسقان. جۋىردا   اتاكەنت  وڭىرىندە ورنالاسقان  «تولاعاي» لاگەرىندە دەمالىپ  جاتقان ماقتارال اۋدانىنىنىڭ مەكتەپ وقۋشىلارىنىڭ اراسىندا تۋريستىك سايىستار وتكىزىلدى. وعان 8 كوماندا قاتىستى. بالالار مەن جاسوسپىرىمدەر اراسىندا سپورتتىق باعدارلاۋدى، سپورتتىق تۋريزم تاسىلدەرىن ناسيحاتتاۋعا، جاستاردىڭ بويىندا تۋريستتىك ەپتىلىكتەر مەن داعدىلاردى شىڭداۋعا، قالا مەكتەپتەرى اراسىندا ەڭ ۇزدىك تۋريستتىك توپتى انىقتاۋعا، سالاۋاتتى ءومىر سالتىن ناسيحاتتاۋعا باعىتتالعان تۋريستىك كوپسايىستى اۋداندىق «جاستار ورتالىعى» كمم-سى، «جاس وتان»  جاستار قاناتى  جانە بالالار مەن جاسوسپىرىمدەر شىعارماشىلىق ورتالىعى  ۇيىمداستىرىپ وتكىزدى. كوماندالار شاتىر قۇرۋ، ءتۇيىن بايلاۋ، بىلىكتى تۋريست، وتكەلدەن ءوتۋ، مايمىلشا ءجۇرۋ، دارىگەر سۇراقتارى، توپوگرافييالىق  بەلگىلەر  سايىستارى بويىنشا تاپسىرمالاردى ورىندادى. جارىس قورىتىندىسىنا سايكەس ۇيىمداستىرۋشىلار بەكىتكەن تورەشىلەر جەڭىمپازداردى انىقتادى. جارىستىڭ ءار ءبولىمى بويىنشا جۇلدەگەرلەر انىقتالىپ، ولارعا ارنايى دايىندالعان ديپلومدار مەن باعالى زاتتاي سىيلىقتار تاپسىرىلدى. ال، ەڭ ۇزدىك تۋريستىك توپ، ياعني ءى-ورىندى «تولاعاي» كومانداسى،  ءىى-ورىندى «جالىن»، ءىىى-ورىندى «اقجەلكەن» كوماندالارى يەلەندى.

«جاستار ورتالىعى» كمم قىزمەتكەرى