31 مامىر – ساياسي قۋعىن-سۇرگىن قۇرباندارىن ەسكە الۋ كۇنى

قازاقستان رەسپۋبليكاسىندا مەملەكەتتىك دارەجەدە رەسمي بەكىتىلگەن – «31-مامىر - ساياسي قۋعىن-سۇرگىن قۇرباندارىن ەسكە الۋ كۇنىنە» بايلانىستى قوعامدىق نەگىزدەگى باستاماعا ۇلەس قوسۋعا شاقىرامىز. ءارقيلى ساياسي زوبالاڭدار كەزىندە قۇربان بولعان باۋىرلارىمىزدىڭ رۋحىنا تاعزىم ەتۋ – پەرزەنتتىك پارىزىمىز. بۇل ازا كۇنىن جالپىۇلتتىق دەڭگەيگە جەتكىزۋ، ەلگە بىرلىك، ۇرپاققا ءتالىم شاراسىنا اينالدىرۋ ءوز قولىمىزدا. 31 مامىر كۇنى ءبىز سىزدەردى قازاق حالقىنىڭ ەسكى جانە جاڭا تاريحىندا ساياسي رەپرەسسيالاردىڭ قۇربانى بولعان بارشا ازاماتتاردى بىرلەسە ەسكە الۋ شارالارىندا كۇتەمىز: 12:30 – تاريحي فوتوسۋرەت كورمەسى، «اشارشىلىق» دەرەكتى ءفيلمىنىڭ كورسەتىلىمى. رەجيسسەرى ەركىن راقىشيەۆ. «سەزار» كينوتەاترى. الماتى، فۋرمانوۆ-جىبەك جولى كوشەلەرىنىڭ قيىلىسى 14:30 – اشارشىلىق قۇرباندارىنا ەسكەرتكىش بەلگىلەنگەن ورىنعا گۇل قويۋ، قۇران باعىشتاۋ. الماتى قالاسى، ناۋرىزباي-بوگەنباي كوشەلەرىنىڭ قيىلىسى. ازا كۇنىنە ارنايى دايىندالعان قارالى تاسپالار تاراتىلادى. قىز-كەلىنشەكتەردەن شەلپەك ءپىسىرىپ اكەلۋدى وتىنەمىز. ءبىز ارىپتەستەرىمىزبەن بىرگە قازىردەن باستاپ ازا-باۋدى كەۋدەلەرىڭىزگە نەمەسە كولىكتەرىڭىزگە تاعىپ الۋلارىڭىزدى وتىنەمىز. 1921-23، 1931-33، 1937-38 جىلدارى قولدان ۇيىمداستىرىلعان اشتىقتان قىرىلعان جانە قۋعىن-سۇرگىن قۇربانى بولىپ اتىلعان ميلليونداعان اتا-بابالارىمىزدى ەسكە الىپ، تاعزىم ەتىپ، ولارعا قۇرمەت كورسەتۋگە شاقىرامىز. دۇيسەنبى، 27 مامىردا اۋەزوۆ كوشەسى، 82 عيمارات، 605ء-شى كەڭسەدەن الىپ كەتۋلەرىڭىزگە بولادى، تەل 375-86-54. (اباي كوشەسىنىڭ قيىلىسى، اۋەزوۆ كوشەسىمەن جوعارى جۇرسەڭىز، سول جاعىڭىزداعى 6 قاباتتى سۇرى ءتۇستى عيمارات) ازا-باۋ. كوك جانە قارا ءتۇستى. كوك - كوك بايراعىمىزدىڭ، اشىق اسپانىمىزدىڭ بەلگىسى. قارا - كوك اسپاندى قارا بۇلتتىڭ تورلاۋى، قايعىنىڭ بەلگىسى. ساياسي قۋعىن كورگەندەر بارشا ايماقتاردا، ءاربىر اۋىل-قالالاردا بولدى. ەلىمىزدىڭ وڭىرلەرىندەگى بەلسەندى باۋىرلاردى بۇل ىسكە ۇلەس قوسۋعا شاقىرامىز.

قوعامدىق باستاما مۇشەلەرى: مۇحتار تايجان قاسىم امانجول ۇلى سامات نۇرتازا ايدوس جۇقان ۇلى جانات ەسەنتاي ابزال قۇسپان بەرىك شادعالي امان مامبەتالى دۋمان كاكىم ماقسات ءىلياس ۇلى باقىت مۇحتار ەرجان الاش ايگۇل مازاقباي ايگۇل وتەپ ەدىگە احمەت ءالىبي ءارىپ»