«Beeline قازاقستان» ءوز ابونەنتتەرىنىڭ تەڭگەرىمىن تولتىرۋداعى بارلىق مۇمكىندىكتەردى دامىتۋعا مۇددەلى. جوعارى باسەكەلەستىك ورتاسىندا جۇمىس ىستەي وتىرىپ، كومپانيا شەكتەس نارىقتاعى باسەكەلەستىكتىڭ دامۋىن قالايدى، سەبەبى بۇل تۇتىنۋشىلارعا ارنالعان ۇسىنىستىڭ جاقسارۋىنا، نارىقتى ساۋىقتىرۋعا، ءوز كليەنتتەرى ءۇشىن كۇرەسۋگە دايىن جانداردى ىنتالاندىرۋعا اكەلەدى. 

تەرمينال بيزنەسى 2006 جىلى جاڭا باستاۋ العان كەزدە «Beeline قازاقستان» تەرمينال جەلىسىن بەلسەنە قولداعان جانە وسى باعىتتا اگەنتتىك ۇستەمە اقىنى تولەۋ ارقىلى قارجىلاندىرۋ كورسەتكەن جالعىز تەلەكوممۋنيكاسيالىق وپەراتور بولاتىن. سودان بەرگى وتكەن جىلدار ىشىندە بۇل بيزنەس قارقىندى دامىپ، ءوز اياعىنا نىق تۇرىپ كەتتى.

بۇگىنگى تاڭدا، بارلىق جەردە ورناتىلعان تەرمينالداردىڭ كومەگىمەن ءارتۇرلى سالادا كورسەتىلەتىن قىزمەتتەردىڭ اقىسىن تولەۋگە بولادى. ءاربىر ىسكە اسىرىلعان وپەراسيا ءۇشىن تولەم تەرمينالدارى ابونەنتتەردەن تولەم سوماسىنان  12% دەيىنگى دەڭگەيدە وتەم اقى ۇستاپ قالادى. ايتا كەتەر ءبىر جايت، قازىرگى كەزدە قازاقستاندا 18 مىڭ تەرمينال جۇمىس ىستەيدى، ءبىر الاڭقايدا بىرنەشە تەرمينالدىڭ ورنالاسۋى دا ءجيى كەزدەسىپ تۇراتىن جاعداي.

2008 جىلعى قاڭتار ايىنان باستاپ وسى كۇنگە دەيىن «Beeline قازاقستان»  ۇستەمە اقىنى اقىرىن-اقىرىن جىلىنا 1-2 ەسەگە ازايتىپ وتىردى. 2013 جىلعى مامىر ايىندا كومپانيا كەزەكتى رەت ارىپتەستەرىنە ۇستەمە اقىنىڭ تومەندەگەنىن حابارلاپ، ءوزارا ىنتىماقتاستىققا ءتيىمدى ۇسىنىستاردىڭ جاڭا قىرلارىن ۇسىندى. ءبىراق، بۇل باستاما كەيبىر تولەم تەرمينالدارىنىڭ يەلەرىنىڭ-كاسىپكەرلەردىڭ تاراپىنان ەلەۋلى تۇردە قارسىلىققا ۇشىرادى. ولار ۇيالى بايلانىس وپەراتورىنىڭ بەدەلىن ءتۇسىرۋ ناۋقاندى باستاپ، ءوندىرىستى وزگەرتۋگە كىرىستى جانە Beeline ابونەنتتەرىن باسقا ۇيالى بايلانىس وپەراتورلارىنا اۋىسۋعا ۇندەيتىن جاپسىرمالاردى تاراتۋعا ارەكەتتەندى. بۇل جاپسىرمالاردا  زاڭعا قايشى كەلەتىن اقپاراتتار بار، سەبەبى ولار كومپانيا مەن ولاردىڭ ارىپتەستەرىنىڭ – تولەم جۇيەلەرىنىڭ اراسىنداعى كەلىسىم شارتتىڭ بىرنەشە باپتارىنا، سونداي-اق قر-دىڭ باسەكەلەستىكتى قورعاۋ زاڭناماسىنا  قارسى كەلەدى. «Beeline قازاقستان»   70 شاقتى وسىنداي وقيعاعا كۋا بولدى، سولاردىڭ ىشىندە تەك 11 عانا قايتالانىپ كەزدەسكەن. وسى تەرمينالداردىڭ يەلەرىمەن جۇمىس ىستەيتىن تولەم جۇيەلەرى، تەرمينال يەلەرىنەن «Beeline قازاقستان»  كومپانياسىنىڭ ەسەبىنە ەڭ كەمى 90 كۇنگە تولەمدەردى قابىلداۋدى توقتاتۋ تۋرالى ءبىزدىڭ كومپانيادان حابارلاما الدى.

سوعان قاراماستان، تەرمينالداردىڭ 80% ابونەنتتەردەن تولەمدەردى قابىلدايتىن بولادى جانە قازاقستانداعى  Beeline ابونەنتتەرىندە ءوز تەڭگەرىمدەرىن قولما-قول تولەمدەردى قابىلدايتىن 35 000 نۇكتەنىڭ كەز-كەلگەن بىرىنەن تولتىرۋ مۇمكىندىگى بار، وعان قوسا ابونەنتتەر 24 000 استام ساتۋ نۇكتەلەرىنىڭ بىرىنەن تولەم كارتالارىن الا الادى نەمەسە  بانكوماتتاردى پايدالانىپ تەڭگەرىمدەرىن تولتىرا الادى. ءبىزدىڭ كليەنتتەرىمىز ءوز بەتىنشە قىزمەت اقىسىن ۇستەمە اقىمەن جانە ۇستەمە اقىسىز تولەۋدىڭ ءبىرىن تاڭداي الادى.  كوپ جاعدايدا «Beeline قازاقستان» ۆەب-سايتى ارقىلى جانە «ازبۋكا سۆيازي» سالوندارى ارقىلى ۇستەمە اقىسىز تولەۋ مۇمكىندىگى پايدالانىلۋدا. كومپانيا ءوز ابونەنتتەرىنە قىزمەت اقىسىن تولەۋدە - بانكتىك جانە باسقا دا قارجىلىق تولەم جۇيەلەرى، «اۆتوتولەم» قىزمەتتەرى، «ءموبيلدى جانە ەلەكتروندى كوممەرسيا» مۇمكىندىكتەرى، «ءموبيلدى ۇسىنىستار» ت.س.س. جاڭا مۇمكىندىكتەردى اشا وتىرىپ تولەم ارنالارىنىڭ دامۋىن قارجىلاندىرۋدى جالعاستىرا بەرمەك جانە دەنى  ساۋ باسەكەلەستىك ورتانىڭ دامۋىنا ىقپال ەتەدى.

اينۇر ساتتاروۆا